Rritja e çmimit të energjisë elektrike dhe paralajmërimet për kufizime gjatë dimrit kanë detyruar qytetarët që të mendojnë për kursimin e energjisë por edhe të furnizohen me pajisje alternative për gatim kryesisht me bombola gazi.
“Po, po, me pajisje me gaz për gatim, që të ziejmë jashtë nëpër ballkone. Duhet patjetër të kursejmë”, tha një qytetar.
“Që verës kemi filluar, bombola të gazit për të përgatitur gjellën, për tesha për bojler, për larjen e rrobave dhe frigoriferin me rrymë… ”, tha një tjetër qytetar.
“Unë prej që kam filluar të dij gjithmonë kursej, prej kur kam qenë fëmijë”, theksoi një qytetare.
Edhe shitësit thotë se është rritur interesimi qytetarëve pajisje me gaz pavarësisht rritjes së çmimit sikur edhe zëvendësimin e poçeve standarde me ato ekonomike .
“Tash pse është rritur çmimi i rrymës, tash përdorin më shumë llamba, fenerë dhe gaz për fenerë, nëpër fshatra i marrin më shumë”, u shpreh një shitës.
“Bombolat e gazit janë bërë katastrofë, përse, sepse çmimi i naftës është rritur, gazi është rritur, prandaj është bërë sikurse rryma sikurse këto. Kushton shtrenjtë se një bombolë e vogël është bërë 50 denarë, një aparat të bësh komplet 300 denarë e ke… E drita ka interes, 90 e pë rqind njerëzit interesohen sa më shumë drita ekonomike..”, shtoi një shitës tjetër.
Interesim më të ulët ka për agregat për shkak të rritjes së cmimit të këtyre pajisjeve sikur edhe të karburanteve.
“Për agregat kanë qenë të interesuar, por nuk kanë llogari, se një litër benzinë është 90 denarë, afër 100, prandaj ikin, nuk kanë llogari me agregat, agregati është për kohëra të vështira”, tha një shitës tjetër.
Për shkak të krizës energjetike institucionet në vazhdimësi apelojnë për kursimin e energjisë pasi jo vetëm Maqedonia por edhe gjitha rajoni dhe Evropa do të përballem me një nga dimrat më të rëndë sa përket energjisë elektrike që është shkaktuar për shkak të pushtimin e Ukrainës dhe sanksioneve ka vendosur perëndimi ndaj Rusisë.
