Kryetari i BDI-së, Ali Ahmeti, mori pjesë sot në ceremoninë e varrimit të kumanovarit Erdan Ramadani, i cili humbi jetën ditë më parë në ujërat e lumit Vardar, pas një aksidenti në afërsi të Zhelinës.
“Është dhimbje e madhe. Kemi ardhur ta ndajmë këtë dhimbje të madhe me prindërit dhe familjarët, me gjithë qytetarët e Kumanovës, për humbjen e këtij djali të ri, që i’u pre rrita. Humbja e tij i shkaktoi dhimbje të mëdha familjes, por edhe rrethit dhe shoqërisë”, u shpreh kreu i BDI-së, Ali Ahmeti.
Trupi i pajetë i Erdan Ramadanit u gjet dje. Ekipet e ndërhyrjes dhe vullnetarët e lokalizuan trupin e tij, brenda ujërave të lumit Vardar në kilometrin e tretë nga vendi i aksidentit, përkatësisht në afërsi të kazermës së Tetovës.
