Policia e rajonit të Bit Pazarit dhe Çairit në Shkup mëngjesin e sotëm ka arrestuar tre persona të cilët dyshohen për kryerjen e veprës penale vjedhje e rëndë. MPB njofton se policia ka kryer bastisje në pesë lokacione, ndërsa janë arrestuar 40-vjeçari A.Sh., 26-vjepari F.V. dhe 20-vjeçari V.R., të gjithë nga Shkupi.
“Me urdhër të gjyqtarit të procedurës paraprake nga Gjykata Themelore Penale Shkup, zyrtarë policorë nga SPB-Shkup në koordinim me Departamentin e Policisë Kriminale pranë MPB-së kanë kryer bastisje në pesë lokacione në Shkup. Gjatë kontrollit në shtëpinë e A.Sh. janë gjetur dhe konfiskuar një pistoletë “Glock 19″ me katër karikatorë dhe 33 fishekë të kalibrit 9 mm, një karikator i pushkës automatike, një shënjestrues laser për pistoletë dhe sende të tjera që lidhen me krimet. Gjatë kontrollit në banesat e F.V. dhe V.R. janë gjetur dhe konfiskuar disa ora të markave të njohura dhe sende të tjera që dyshohet se kanë origjinën nga krimet”, thonë nga MPB.
