Kreu i Bashkimit Demokratik për Integrim, Ali Ahmeti në mbledhjen e Këshillit të përgjithshëm të BDI-së në fjalimin e tij para anëtarëve të pranishëm ka shprehur rëndësinë e madhe të proceseve që po e presin vendin në të ardhmen, nevojën e angazhimit serioz në realizimin e procesit të skriningut, realizimit të reformave, betejën e pakompromistë me krimin dhe korrupcionin.
Ai me këtë rast potencoi se përpara çdo funksioni duhet vendosur misioni i zhvillimit dhe integrimit të vendit në Bashkimin Europian.
Ahmeti theksoi se njësoj si deri më tani, BDI duhet të vazhdojë të jetë faktor vendimtar i avancimit të proceseve.
