Në qendrat e shëndetit publik dhe njësitë e tyre rajonale në qytetet në të gjithë vendin, nis sot vaksinimi falas kundër gripit sezonal për grupet e rrezikuara të popullsisë.
Ministria e Shëndetësisë njoftoi se qytetarët e interesuar nga grupet e rrezikut mund të regjistrohen përmes ueb-faqes vakcinacija.mk, ndërsa deri tani janë regjistruar më shumë se 27 mijë qytetarë.
Ministria rikujton se vaksinimi kundër gripit sezonal nuk është i detyrueshëm, por është i dedikuar për personat mbi 65 vjeç, personat me sëmundje kronike, punëtorët shëndetësorë, gratë shtatzëna, fëmijët nga gjashtë muaj deri në pesë vjeç.
