Koordinatori i grupit parlamentar të Bashkimit Demokratik për Integrim, Arbër Ademi ka realizuar takim me Ambasadorin e Republikës së Kosovës, z. Florian Qehaja.
Zhvillimet e fundit politike në të dyja vendet dhe prioritetet e eurointegrimit ishin temat mbi të cilat diskutuan.
“Me ambasadorin Qehaja shkëmbyem përvojat tona lidhur me procesin integrues të vendit në Bashkimin Evropian, si dhe për zhvillimet e fundit politike në Republikën e Kosovës, stabiliteti i së cilës ka një rëndësi të madhe edhe për rajonin.
Republika e Maqedonisë së Veriut do ta mbështesë maksimalisht edhe në të ardhmen integrimin e Republikës së Kosovës në strukturat evropiane” – ka shkruar Ademi në faqen e tij në rrjetin social Facebook.
