Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë atë që është e nevojshme që vendi të bëhet anëtar i plotë i Unionit. tha Gabriel Eskobar, zëvendësndihmës sekretar i shtetëror i SHBA-së dhe përfaqësues special për Ballkanin Perëndimor.
Në një ngjarje kushtuar të ardhmes euroatlantike të rajonit të mbajtur mbrëmë në Këshillin Atlantik në Uashington, ai deklaroi se Qeveria e Maqedonisë është partner i mirë në zbatimin e agjendës së integrimit evropian të Maqedonisë së Veriut.
“Ata janë një partner i mirë dhe i përkushtuar dhe do të sjellin përfitime edhe për BE-në”, tha ai.
Sipas tij, procesi i anëtarësimit duhet të jetë më i shpejtë, duke vënë në pah shqetësimet e brendshme në Union.
“Ka votues që interesohen vërtet se çfarë do të bënte zgjerimi për ta. Dhe mendoj se është një punë për të gjithë ne që t’i bindim ata se Bashkimi Evropian do të jetë më i fortë dhe më i begatë me këto vende, tha Eskobar, duke aluduar për Maqedoninë e Veriut dhe Shqipërinë.
Eskobar tha se kriza në Ukrainë vetëm tregoi urgjencën e shtuar për zgjidhjen e problemeve në rajon, si ato ndërmjet Serbisë dhe Kosovës, si dhe nevojën për përshpejtimin e proceseve që do ta çojnë rajonin në drejtimin e duhur.
Ai kujtoi gjithashtu se SHBA do të prezantojë hapa shtesë për të sanksionuar zyrtarët e korruptuar nga Ballkani dhe për t’i larguar ata nga postet përgjegjëse.
“Absolutisht. Është një mjet i rëndësishëm. Është efektive. Dua të them, jo vetëm që ishte efektive sanksionimi i individëve, por nëse shikoni disa nga narrativat që Ministria e Financave (e SHBA-së) po nxjerr me vendimin, do të shihni thellësinë e korrupsionit, tha Eskobar.
Ai theksoi shembullin e Bosnje e Hercegovinës, ku politikanët koordinuan dhe bashkëpunuan në mënyrë aktive me grupet e organizuara kriminale.
