Çmimi i gazit në Europë ka pësuar një rënie rekord. Marrëveshja e arritur në takimin e ministrave të energjisë të BE-së për vendosjen e tavanit të hënën e kaluar është shoqëruar me ulje deri në 37%.
Çmimi standard në Evropë, sipas bursës së Amsterdamit ra nga 134 euro në 85 euro për megavat orë këtë fundjavë. Për gjashtë ditë radhazi çmimet ranë duke shënuar një rënie totale prej gati 50 euro .
Sipas mediave të huaja rënia i atribuohet disa faktorëve si, rritja e furnizimit me gaz të lëngshëm nga Azerbajxhani dhe një sërë vendesh të tjera, prodhimit të madh të energjisë së ees në Gjermani, ulje e kërkesës për shkak të temperaturave të larta në Evropën Veriore këtë fundvit si dhe sasia e gazit e ruajtur në depozita.
Gjatë verës çmimet e gazit shënuar nivele rekord duke kapërcyer 180 dollarë situate qe zgjati për më shumë se 40 ditë dhe shtoi frikën për dimrin. Bashkimi Europian iu përgjigj shtrenjtimit me një sërë masash e mes tyre vendosjen e çmimit tavan për importin e gazit rus çka stabilizoi tregun. Komisioni Evropian do të jetë në gjendje të vendosë ta pezullojë tavanin nëse çmimet vijojnë të bien me tepër se sa duhet. Me rënien e çmimit Europa mund të importojë më tepër gaz duke shpenzuar më pak.
