ASH në Qeveri, Xhelili: Ia prishi planet VMRO-së dhe Mickoskit

Aleanca për Shqiptarët (ASH) me hyrjen në qeveri tejkaloi veten për interesa më madhore, vlerëson ish-deputeti Zudi Xhelili, duke shtuar se vet reshtimi i kësaj parti në frontin pro europian ka domethënie të madhe.

“Për përfshirjen e ASH-së në qeveri u bë zhurmë e madhe, veçanrisht nga opozita maqedonase që ndoshta ua prishi planet që kishin. Hyrja ASH-së në qeveri është një mundsi për të kontribuar në rrugën europiane të vendit. ASH me hyrjen në qeveri tejkaloi veten për interesa më madhore, vet reshtimi i kësaj parti në frontin pro europian nënkupton shumë. Ishte momenti që të gjithë që janë deklaruar për antarsim të vendit në BE të tregohen në vepër”, mdeklaroi Xhelili për PRESSonline.mk

Sipas tij, kjo periudh është historike për të ruajtur paqen dhe stabilitetin e rajonit,kur dihet se egzistojnë forca destruktive që kërkojnë të inicojnë ndasi dhe përçarje, ndërsa janë në mbështetje të agresorit Rus në Ukrain.