Një aksident është regjistruar mesditen e kësaj të premteje në Fier. Një automjet tip “Volkswagen” ka aksidentuar një këmbësor, 69 vjeç. Ky i fundit ndodhet në spital, nën kujdesin e mjekëve.
Aksidenti është regjistruar në vendin e quajtur “Sheq i Vogël”, ndërsa grupi hetimor po punon për zbardhjen e aksidentit.
Njoftimi i plotë:
Fier/Informacion paraprak
Rreth orës 12:30, në vendin e quajtur “Sheq i Vogël”, automjeti tip “Volkswagen” me drejtues shtetasin A. Gj., ka përplasur këmbësorin, shtetasin Sh. M., 69 vjeç, i cili ndodhet në spital, në kujdesin e mjekëve.
Me shtetasin A. Gj. po kryhen veprimet e mëtejshme procedurale.
Grupi hetimor po punon për përcaktimin e shkaqeve të aksidentit.
