Sot skadon afati për emërimin e përfaqësuesve në grupin punues për ndryshime kushtetuese, VMRO-DPMNE, Alternativa, Levica, Partia Socialiste e Maqedonisë dhe Lidhja Demokratike e Pavle Trajanovit e kanë refuzuar ftesën
Përveç partive politike parlamentare, grupi i punës në Ministrinë e Drejtësisë duhet të emërojë edhe përfaqësues nga Presidenca e shtetit, Ministria e Punëve të Jashtme, Sekretariati për Çështje Evropiane dhe ekspertë nga fusha e së drejtës kushtetuese, shkruan Indeks.mk
Disa nga partitë politike i janë përgjigjur negativisht ftesës së Ministrisë së Drejtësisë. VMRO-DPMNE, Altenativa, Levica, Partia Socialiste e Maqedonisë dhe Lidhja Demokratike e Pavle Trajanovit kanë njoftuar se nuk do të marrin pjesë në grupin punues.
I pari në letrën e Drejtësisë është përgjigjur presidenti Stevo Pendarovski, i cili ka konfirmuar se përfaqësues i tij në grupin punues për ndryshime kushtetuese do të jetë profesori i Fakultetit Juridik, Aleksandar Spasov, i cili është këshilltar i tij juridik, ndërsa zëvendëskryeministri për Çështje Evropiane, Bojan Mariçiq, tha se SEP do të marrë pjesë aktive në grupin punës dhe se emri i përfaqësuesit që do të përfshihet në grupin punues për ndryshime kushtetuese do të përcaktohet dhe shpallet deri sot.
Kryeministri Dimitar Kovaçevski tha javën e kaluar se procesi i ndryshimeve kushtetuese është çështje e brendshme e Republikës së Maqedonisë së Veriut, që është edhe obligim lidhur me negociatat për anëtarësim me Bashkimin Evropian, sipas të cilit grupi punues në Ministrinë e Drejtësisë duhet të përgatisë një propozim që i përgjigjet shoqërisë maqedonase, ligjeve tona dhe çfarë presim nga e ardhmja jonë si shtet i ardhshëm anëtar i BE-së.
Kryetari i opozitës VMRO-DPMNE, Hristijan Mickoski, tha se nuk do të marrin pjesë në grupin punues për ndryshimet kushtetuese, duke vlerësuar se në këtë fazë është e pakuptimtë dhe se qeveria dëshiron ta politizojë procesin.
Partia Socialiste e Maqedonisë në një deklaratë për media ka njoftuar se nuk do të marrë pjesë në grupin punues të qeverisë, i cili, siç thonë ata, “nuk ka mandat apo legjitimitet për ndryshime të tilla kushtetuese” dhe se “duhet të formuar vetëm pas nevojës për ndryshim të Kushtetutës në Kuvend, me shumicën e nevojshme prej dy të tretash”.
Edhe Lidhja Demokratike e Pavle Trajanov informoi se nuk do të marrë pjesë në grupin punues për ndryshimin e Kushtetutës, duke theksuar se “përderisa Bullgaria mohon popullin maqedonas, si dhe autenticitetin e gjuhës maqedonase, procedura për ndryshimin e Kushtetutës nuk duhet të të fillojë”.
Levica, përmes një komunikate për media, ka bërë të ditur se partia me vendosmëri e refuzon ftesën për të marrë pjesë në grupet punuese për ndryshime kushtetuese. Sekretari i përgjithshëm e Alternativës, Zekiria Ibrahimi, në një konferencë për media tha se Alternativa nuk do të marrë pjesë në grupin punues për ndryshimin e Kushtetutës. Arsyeja e një vendimi të tillë, siç theksoi Ibrahimi, është se nuk mund të ketë grupe punuese për hartimin apo përgatitjen e amendamenteve kushtetuese derisa të arrihet një konsensus politik ndërmjet partive politike në mbështetje të këtyre amendamenteve, përmes të cilit duhet të hapet rruga për integrimin e shtetit në Bashkimin Evropian.
Ministria e Drejtësisë, siç mësohet, në kërkesën për nominim është shprehur se në interes të përmbushjes së detyrimit tonë që buron nga Korniza Negociative e miratuar nga 27 shtetet anëtare të BE-së, nevojitet bashkimi politik për të garantuar perspektivën evropiane të vendit, dhe se për këtë është e nevojshme të caktohet një përfaqësues që ka njohuri në fushën e së drejtës kushtetuese dhe që do të marrë pjesë aktive në grupin e punës gjatë hartimit të ndryshimeve kushtetuese.
Sipas informacioneve të publikuara më herët, procedura për ndryshime kushtetuese, përkatësisht ndryshim i Preambulës së Kushtetutës, duhet të përfundojë më së voni deri në nëntor të këtij viti.(Indeks.mk)
