Ish deputeti i Partisë Socialiste Arben Çuko ka thënë se kryebashkiaku i Tiranë Erion Veliaj e ka “garën” me kryeministrin Edi Rama.
Nga studio e Quo Vadis, ai tha se Veliaj është pasuesi i Ramës dhe si i tillë, mbështetjen më të madhe politike e ka nga ky i fundit.
Nëse arrin të marrë mandatin e tretë, Veliaj sipas Çukos do të vijojë planin e tij për zhvillimin e kryeqytetit, i cili mund të ketë shfaqur edhe problemet e veta.
Janë dy rryma, dy bazamente kryesore, në drejtim të fushatës elektorale për zgjedhjet lokale, ta kthejnë në politike apo ta kthejnë në administrative.
Kush po përpiqet ta kthejë në politike? Opozita.
Edi Rama para disa ditësh tha ne nuk do bëjmë fushatë.
Askush i vetëm nuk mundet dot që të garojë. Edhe për kryeplak jo më për kryebashkiak. Erion Veliaj është kandidati i PS. Nisur nga kjo, unë mendoj që problemi më i madh i Veliajt është a do mundet ai të ecë në të njëjtën shpejtësi që ka ecuar kryetari i bashkisë 2000-2011 Edi Rama. Kush është trashëgimia politike e Veliajt? Është Edi Rama.
Veliaj është në vazhdimësi të planeve të veta të zhvillimit të qytetit. Çdo zhvillim, i një qyteti të madh ka dhe problemet e veta. Një qytetar që jeton në Tiranë, që do të rrisë fëmijët apo bëjë biznes, do arrijnë në përfundimin që zhvillimi i Tiranës nuk mund të ndalet dot.
