Në prag të zgjedhjeve vendore dhe kur të dhënat flasin se 80 për qind e qytetarëve në Europë, ku nuk përjashtohet as Shqipëria, mendojnë se partitë politike janë të korruptuara, Bashkimi Europian dhe institucione të rëndësishme ndërkombëtare për proceset zgjedhore e kanë përqendruar vëmendjen te transparenca e financimit të partive.
Deklarimi elektronik i të ardhurave dhe shpenzimeve të partive politike për fushatën elektorale të 14 majit vlerësohet si një domosdoshmëri për të luftuar korrupsionin politik.
SAM VAN DER STAAK
DREJTOR PER EVROPEN, INTERNATIONAL IDEA
Është e rëndësishme të shihet sesa para shpenzohen në zgjedhje, të jenë të njohura për mediat, shoqërinë civile dhe për qytetarët. Këto të dhëna shpërbejnë për të kuptuar sesa të shtrenjta janë fushatat elektorale, qytetarët të ngrejnë pyetje dhe t’i ushtrojnë presion politikanëve. Një platformë e tillë nuk duhet nënvlerësuar, ajo do të sjellë një impak te qytetarët nëse ata e përdorin mirë atë.
Në intervistën për Vizion Plus, Sam Van Der Staak, drejtori për Evropën i IDEA, thotë se korrupsioni politik është një problem që kërkon zgjidhje.
Duhe të fokusohemi te ata politikanë që po veprojnë në mënyrë të gabuar. Është një çështje të cilën ne e shohim si te partitë e opozitës edhe te ato që drejtojnë qeverinë. Por sigurisht partia që drejton vendin ka më shumë mundësi të abuzojë me burimet shtetërore. Dhe ky është një fenomen në rritje kudo në botë. Ne shohim kryeministra, ministra, politikanë në detyrë që shfrytëzojnë fuqinë e tyre për të fituar zgjedhjet e rradhës. Abuzimi me burimet shtetërore ekziston, dhe Shqipëria është një nga vendet që ky problem qëndron dhe që duhet të adresohet.
Në përballjen me korrupsionin politik, Staak thotë se shoqëria është forca kryesore.
SAM van der STAAK
DREJTOR PER EVROPEN, INTERNATIONAL IDEA
Për aq kohë sa qytetarët nuk i shtyjnë partitë politike për më shumë transparencë, nuk ka asnjë mundësi tjetër që politikanët e këqij të performojnë më mirë. Pra gjithçka fillon dhe mbaron më presionin e shoqërisë. Mund të kësh ligje të forta, Komisionin Qendror i Zgjedhjeve mund të këtë ambicie për të bërë më të mirën por pa presionin e qytetarëve sisitemi nuk do të ndryshojë. Ky është një apel për të gjithë shqiptarët, që në zgjedhjet e rradhës të jenë të vëmendshëm, të bëjnë pyetje dhe të votojnë politikanët që nuk janë të korruptuar.
