Duke folur për ndërtimin e Korridorit 8-të dhe marrëveshjen me gjigandin “Bechtel Enka”, zëvendëskryeministri i parë, Artan Grubi në Klan Debat tha se marrëveshja nuk mund të publikohet sepse sipas tij, askush nuk do të dëshironte ta zbulonte formulën e suksesit.
Sipas Grubit, tash për tash nuk do të publikohet asgjë, punën e kompanisë do ta shohin qytetarët.
Shton se kontrata është nënshkruar në përputhje me ligjet aktuale që janë në fuqi
“Nga dokumentet me Bechtel Enkas nuk mund të publikohen pjesë të marrëveshjes, kjo është pjesë e marrëveshjes, kjo është pjesë e suksesit të asaj kompanie, sepse formula e suksesit nuk jepet. Kanë punuar në gjithë botën kjo kompani dhe me dhjetra e dhjetra kontrata nuk janë publikuar sepse ruhet fshehtësia e profesionalizmit të tyre. Tash për tash nuk do të publikohet asgjë, punën e kompanisë do ta shohin qytetarët. Kontrata është nënshkruar në përputhje me ligjet aktuale që janë në fuqi. Nuk ka pasur diskutim me kompanitë vendore për ta marrë tëresinë e projektit korridori 8 si projekt madhor, për arsye të kapacitetit jo të mjaftueshëm, sepse Bechtel ndërton 24-25 km në vit, pra, ka kapacitet të fuqishëm për mbulesen e komplet projektit. Por, kompanitë vendore do të kyçen në projekt dhe kanë shfaqur interes”, deklaroi Grubi.
