Një automjet tip “Benz” është shkrumbuar gjatë mëngjesit në Korçë. Policia raporton se automjeti ishte i parkuar në lagjen “Partizani” më momentin e zjarrit.
“Më datë 26.04.2023, rreth orës 06:55, në lagjen nr. 14, rruga “Partizani”, ka rënë zjarr në automjetin tip “Benz”, në pronësi të shtetasit A. Sh., i cili ka qenë i parkuar në rrugë. Si pasojë e zjarrit nuk ka dëme në njerëz, por vetëm dëme materiale”, thuhet në njoftim.
Raportohet vetëm për dëme materiale. Nga të dhënat e para bëhet me dije se shkak i zjarrit mund të jetë bërë një defekt në motor. Policia raporton se është bërë këqyrja e kamerave në zonë dhe nuk raportohet për ndonjë person të dyshimtë.
