‘Suksesi’ i një fotoje, Këlliçi, dhe proçesi boomerang, po tani?

Fotoja e fundit e shpërndarë ne rrjetë nga kandidati i koaliconit ‘Bashkë Fitojmë’ në Tiranë, Belind Këlliçi, ja arriti qëllimit. Një foto, shumë reagime dhe një vëmendje mediatike, sociale e shtuar. Deri këtu s’ka asgjë të keqe, madje duhet komplimentuar, qëllimi parësor u arrit, kryefjala dy ditore ishte ‘Belo’, po tani?

Tani, nis proçesi ‘boomerang”, ose e thënë ndryshe, proçesi ku gjithçka të kthehet kundër. E para, mesazhi që përcjell fotoja vizualisht nuk përkon me ‘emancipimin’ e shoqërisë shqiptare për të pranuar forma të ndryshe reagimi, madje janë si dy drejtëza të kithta që nuk ekziston asnjë pike takimi.

E dyta, fotoja të krijon përshtypje, ndjesi, mendim jo pozitiv, madje deri në neveri kur e analizon, e njëjta gjë mund të përcillet tek të gjthë qytetarët, qoftë tek ata që e kuptojnë mesazhin në tekst, por nuk përtypin dot imazhin, qoft më shumë tek ata që nuk e kuptojnë mesazhin fare (ose nuk arrijnë ta dallojnë) por mendojnë imazhin direkt.

Ka dy zgjedhje, e para skuadra e Këlliçit duhet të pastrojnë foton nga ç’fokusimi me nje ide më të qartë, dhe surprizuese, ndryshe nga ç’ka pretenduar publiku, ose të eksperimentoj në fushatë, në formën ‘bad ‘ Marketing

“Marketingu është shumë i rëndësishëm për ta lënë në dorë të departamentit të marketingut”. — David Packard.