184 raste aktive, 105,186 të shëruar dhe 2,250 të vdekur nga coronavirusi në Kosovë

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se në total numri i rasteve aktive është 184, ndërsa numri i përgjithshëm i të shëruarve është 105,186.

Në njoftimin e MSH bëhet e ditur se që nga fillimi i pandemisë 2,250 persona nuk kanë arritur t’i përballojnë COVID-19.

Ndryshe, në 24 orët e fundit janë dhënë 8.446 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 118.538 doza të vaksinës.

Deri më sot 15.093 qytetarë janë vaksinuar me dozën e dytë.