​Jashari: 85 % e territorit të Skenderajt me ujësjellës

Kryetari i komunës së Skenderajt, Bekim Jashari ka thënë se fal angazhimit maksimal dhe bashkëpunimit me Qeverinë Zvicerane dhe Qeverinë e Kosovës, brenda mandatit qeverisës është arritur që të rritet mbulueshmeria me rrjet të ujësjellësit nga rreth 30% sa ishte në vitin 2017, në mbi 85% në vitin 2021.

“Sot, për nder të festave të nëntorit, bashkë me drejtorin e CDI-së për Kosovë, Astrit Vokshi, kompaninë kontratuese me pronar Azem Tahiraj, drejtorë e asambleistë përuruam stacionin e pompimit në fshatin Llaushë, përmes të cilit mbushen rezervaret e ujit në Rezallë e Plluzhinë për furnizim me ujë të pijshëm për fshatrat e kësaj pjese”, u shpreh Jashari.

Sipas një komunikate të komunës së Skenderajt, për realizimin e këtij projekti që përfshin edhe instalimin e gypit kryesor në 10 fshatra vitin e kaluar dhe këtë vit si dhe për projektin e gypit kryesor në 15 fshatra tjera me herët, kryetari Jashari ndau mirënjohje për CDI-në, menaxherin, Lavdim Osmanaj, si dhe kompaninë kontraktuese për kontributin e jashtëzakonshëm që ka dhënë në sigurimin e ujit të pijshëm për qytetarët e kësaj komune, përmes funksionalizimit të rrjetit primar dhe vendosjes së gypave në lagjet 3 dhe 6 të qytetit, ndërtimit të rrjetit primar dhe sekondar në fshatin Klinë e Mesme, si dhe te varrezat në fshatin Polac.

“Jam shumë i lumtur që gjatë mandatit tim qeverisës po i bëjmë me ujë të pijshëm 25 fshatra me ujë të pijshëm dhe kështu po mbetet vetëm edhe bashkësia lokale e Qirezit për të cilën bashkësi kemi kërkuar nga donatorë nderkombëtar dhe vendor dhe kemi marrë gatishmeri të tyre për bashkëpunim”, tha Jashari.

WWW.EXPRESS.MK

Share: