Tomislav Perusiq, nga Serbia në Prishtinë për të jetuar në mesin e shqiptarëve

Albanologu Tomislav Perusiq, qe gjashtë muaj është zhvendosur nga Subotica e Serbisë në Prishtinë, i cili të ardhmen e sheh në Kosovë. Ndërsa, problemet mes dy popujve thotë se as nuk po duan e as nuk mund ti zgjidhin.

Mysafiri i veçantë e miku i mirë zakonisht e viziton në mesditë. Makiaton në kafenenë e saj në Mitrovicë pranë Lumit Ibër e shoqërojnë me diskutime për punë, por me raste edhe për jetën e private. Veçse miku i Neri Ferizit, është i nacionalitetit serb.

“Po unë Tomislavin nuk mundem me e dallu prej shokëve tjerë shqiptar, jemi shumë të shoqëruar dalim, kur shkoj në Prishtinë e ftoj për kafe”, ka thënë ajo.

Neri Ferizi, e cila është pronare e një kafiterie, kishte përshtypje ndryshe para se Tomislav Perusiq nga Serbia të transferohej për të jetuar në Prishtinë.

“Për Tomislavin nuk kam besu kur flitej që bënë shumë për Kosovën edhe e do shumë Kosovën edhe mbanë simbole të shqiptarëve”, shprehet e habitur Ferizi.

Por, si u bë që Tomislav Perusiq, të zhvendoset për të jetuar në Kosovë. Ai ka thënë se e kaluara e shqiptarëve dhe serbëve e bëri që ta nisë këtë rrugëtim.

“Gjuhën shqipe e kam zgjedhur për shkak të vet popullit. Unë deshta të flisja me shqiptarët në gjuhën e tyre në gjuhën e tyre. E kam vërejtur që ka shqiptarë që janë më në moshë e që dinë gjuhën serbe unë i kam takuar në Amerikë. Atje lindi interesimi im jo veç për gjuhën por edhe për historinë, kulturën, traditën, zakonet”, ka treguar me një shqipe të rrjedhshme albanologu serb.

Planit për të jetuar në Kosovë Tomislavi i kishte paraprirë me studimet e gjuhës shqipe në Beograd, e më pas edhe në Tiranë.  Ai tash punon si përkthyes shqip-serbisht, ndërsa jetën planifikon ta vazhdojë në Kosovë. Shtetin më të ri në Evropë e sheh si vend në të cilin do të ndërtojë të ardhmen.

“Ata kanë institucione paralele, nuk është mirë kjo unë jam kundër kësaj. Unë besoj që Kosova ka me vazhdu me qenë shtet edhe duhet. Jam kundër copëtimit të Kosovës, jam kundër ndarjes së këtij qyteti Mitrovicës”, është shprehur ai.

E për tejkalimin e problemeve në mes dy popujve, Perusiq nuk ka shpresa te politika.

“Unë nuk pres asgjë prej elitave politike, pres veç prej qytetarëve si këndej si andej përtej kufirit. Pres që me kohë kanë me e ndryshu mendimin, perceptimin. Unë mundohem me i’ua dhënë (serbëve në Serbi) një pikëpamje tjetër për Kosovën edhe popullin shqiptar”, tregon Perusiq.

Të ardhmen nuk e di, mirëpo albanogu serb nuk e fsheh dëshirën që edhe gruan ta ketë shqiptare.

“Për mua nuk ka lidhje nacionaliteti i personit, besoj që dashuria nuk zgjedh sipas kombësisë”, është deklarata që e përmbyllë bisedën me një njohës të historisë e gjuhës shqipe e person që e do shumë Kosovën.

Stay Connected

0FansLike
0FollowersFollow

TË FUNDIT

Kush është ish ushtari nga Hotla e Kumanovës, që po siguron boksierin e njohur botëror Conor McGregor në Kanë?

Deri sa përpiqemi t’i afrohemi yllit botëror të boksit Conor McGregor në turmën e madhe prej qindra gazetarëve në Festivalin e filmit në Kanë,...

Drejtësia dhe ndryshimet në modelin zgjedhor, Nuhiu: Do të angazhohemi për kod më të mirë zgjedhor

Ministria e Drejtësisë ka filluar procesin e përgaditjes së  ndryshimeve të modelit aktual zgjedhor dhe për këtë rast autoritetet e kësaj ministrie u kanë...

Lija e majmunit po i afrohet vendit, epidemilogu Elezi: Nuk ka hapësirë për panik, nuk është vdekjeprurëse

Lija e Muajmunëve është një tjetër virus që po përhapet nëpër Botë. Në Maqedoni ende nuk ka të infektuar, por dyshohet për një rast...

Afro një vit nën qeverisjen e talebanëve, thellohet varfëria në Afganistan! Qytetarët qëndrojnë në rradhë për të marrë ushqim

Dy radhë të gjata, njëra me burra, tjetra me gra, janë krijuar rreth një vendi të shpërndarjes së ndihmave të Programit Botëror të Ushqimit...

Dasmat në prag, bizneset “fërkojnë” duart

Sezoni veror në vendin tonë pritet më padurim nga ata të cilët planifikojnë të organizojnë dasmat e tyre. Edhe me më shumë padurim e...