Shfuqizohen masat anti-Covid, apelohet për vaksinim të personave mbi 80 vjeç

Asnjë fatalitet dhe 135 raste të reja Covid rezultuan në vend nga 1661 testime të kryera në 24 orët e fundit. Nga sistemi “Termini im” është regjistruar një person i vdekur nga Ohri më datë 2 maj në kushte spitalore. Janë regjistruar 85 pacientë të shëruar. Numri i rasteve aktive është 621.

Përmirësimi i situatës epidemiologjike, ka bërë që Qeveria të vendosë të shfuqizojë të gjitha masat anti-Covid, përveç detyrimit për mbajtjen e maskave në transport publik dhe objektet shëndetësore. Apelohet gjithsesi vaksinim sidomos i grupmoshës mbi 80 vjeç.

“Shfuqizohen të gjitha masat ekzistuese për mbrojtje nga Covid-19, përveç mbajtjes së detyrueshme të maskave mbrojtëse në shtëpitë shëndetësore, farmacitë dhe qendrat e kujdesit për të moshuarit dhe personat me aftësi të kufizuara. Njëkohësisht qeveria e RMV-së u rekomandon shtëpive të shëndetit të intensifikojnë vaksinimin e personave të moshuar mbi 80 vjeç, për shkak të mbulimit të ulët me imunizimin e kësaj grupmoshe, si dhe vazhdimi i vaksinimit tek profesionistët shëndetësorë. Komisioni për Sëmundjet Infektive thotë se vaksinimi mbetet masa më e mirë dhe më efektive për mbrojtjen e shëndetit të popullatës.”,- deklaroi zëdhënësi i Qeverisë, Muhamet Hoxha.

Edhe shumica e vendeve të rajonit kanë lehtësuar masat. Nga 1 maji, Shqipëria ka hequr kufizimet dhe tashmë për hyrje në kufi nuk kërkohet certifikatë vaksinimi, test negativ apo certifikatë për Covid të kaluar. Mbetet vetëm masa e maskave në ambiente të mbyllura. Pasaportat Covid dhe testet në kufi nuk i kërkon më as Serbia dhe Greqia. Në Kosovë ndërkohë ende kërkohen këto dokumente për kalimin e kufirit.

Stay Connected

0FansLike
0FollowersFollow

TË FUNDIT

Një fëmijë 6 vjeç mbytet në lumin Shkumbin në Tetovë

Qendra për Menaxhimin e Krizave njofton se sot në ora 14:00 përmes E-112 është pranuar informacion për një fëmijë 6-vjeçar në lagjen Krasniqi në...

Mullinjë me erë në Tearcë, Neziri nënshkruan memorandum bashkëpunimi me komunën Foiano di Val Fartore

Kreu i komunës së Tearcës, Nuhi Neziri dje ka pritur në takim delegacionin italian nga komuna e Foiano di Val Fartore, e me këtë...

Fuqia e armëve nordike: Pajisjet ushtarake që Suedia dhe Finlanda do t’ia sillnin NATO-s, pas anëtarësimit në aleancë

Përzgjedhja e pajisjeve ushtarake vendase e armëve dhe automjeteve të prodhuara në vend, të cilat do të forconin arsenalin e NATO-s nëse Finlanda dhe...

Sefer Seferi më 18 Qershor shkund ringun në Zvicër

Bokseri i njohur shqiptar Sefer Seferi pas një pauze të gjatë po rikthehet në arenën sportive dhe këtë e ka bërë të ditur vet...

Maqedonia e Veriut lider në rajon me masat dhe menaxhimin e krizës

Maqedonia e Veriut është lider në rajon me masat dhe menaxhimin me krizën. Këtë informacion e ka bërë të ditur ministri i Ekonomisë Kreshnik...