Flasin dy vëllezërit e famshëm në BeH, Mejdi dhe Fatmir Sulejmani: Rrënjët tona vijnë nga Kosova

Të dy janë të famshëm dhe po dëgjohen shumë në Bosnjë dhe Hercegovinë. Interesante është se janë vëllezër dhe meren me muzikë. Mejdi dhe Fatmir Sulejmani edhe pse nuk dinë fjalë në shqip ata janë shqiptar nga ana e babait. Gazeta.mk ju sjellë intervistë ekskluzive me vëllezërit e famshëm Sulejmani për të njohur më afër ata.

Sa kohë keni që merreni me muzikë?

Me muzikë jam marrë që nga mosha 15-vjeçare, kur fillova të praktikoj dhe performoj në mënyrë aktive. Para kësaj, kam luajtur shfaqje për fëmijë në shkollë fillore, por asgjë nuk ishte aq serioze deri në moshën 15-vjeçare.

Të dy e keni zbuluar talentin përmes spektakleve muzikore?

Nuk kisha afinitet për konkurse muzikore, por në fund më së shumti organizohej për ata që këndojnë.

A është marrë dikush nga familja juaj më parë muzikë?

Babai im është ende aktiv në muzikë. Ai kompozon dhe luan kitarë.

Kush e gëzon më shumë famën aktualisht?

Unë nuk e konsideroj veten të famshëm. Unë thjesht e dua atë që bëj dhe njerëzit e njohin atë dhe komplimentet janë padyshim të këndshme dhe më bëjnë të ndihem mirë.

Përshkruani veten me pak fjalë, kush është Mejdiu dhe kush është Fatmiri?

Mejdiu është një njeri i ndershëm, këmbëngulës, kokëfortë dhe besnik.

Mbiemri juaj na bëri të hetojmë se keni prejardhje shqiptare?

Po. Rrënjët tona vijnë nga Kosova (Ferizaj dhe Peja).

A keni problem me këtë në shoqërinë boshnjake?

Asnjëherë nuk kam pasur probleme me mbiemrin. Ajo që ka rëndësi është se çfarë lloj personi jeni dhe sa e respektoni palën tjetër dhe ata njëjtë do t’ju trajtojnë. Mbiemri apo rrënjët e mia nuk kanë qenë kurrë pengesë për asgjë. Ajo që vendos media nuk është një imazh i shtrembëruar i shoqërisë.

A jeni ndjerë ndryshe për shkak të origjinës suaj shqiptare?

E përsëris, absolutisht jo. Njerëzit janë të interesuar për emrin dhe mbiemrin tim dhe më kërkojnë t’u tregoj për rrënjët e mia, por kjo nuk ka qenë kurrë për keqdashje, por thjesht për kuriozitet.

A flet ndonjë nga ju ndonjë fjalë shqipe?

Flas shqip por shumë pak, gjë që nuk mjafton për komunikim të rrjedhshëm.

Por a keni vizituar ndonjëherë vendlindjen e gjyshit tuaj?

Fatkeqësisht nuk e kam vizituar, sepse kërkohet vizë. Shpresoj që kjo një ditë të rregullohet dhe çdo vit të shkoj tek të afërmit e mi në Kosovë.

Cilat janë planet tuaja në muzikë?

Planet e mia janë që të publikoj një album muzikor instrumental deri në fund të vitit, të performoj aktivisht me artistë të ndryshëm, të regjistroj në studio dhe të bëhem edhe më i mirë për dallim nga dje.

Sa e njihni estradën shqiptare, kush ju pëlqen dhe a mendoni për ndonjë bashkëpunim?

Unë di për interpretuesit shqiptarë dhe nëse mund të veçoj kush është i madh për mua, është Rona Nishliu dhe Erza Muqolli. Me ato të dyja, do të doja të bashkëpunoj në të ardhmen.

Stay Connected

0FansLike
0FollowersFollow

TË FUNDIT

Kush është ish ushtari nga Hotla e Kumanovës, që po siguron boksierin e njohur botëror Conor McGregor në Kanë?

Deri sa përpiqemi t’i afrohemi yllit botëror të boksit Conor McGregor në turmën e madhe prej qindra gazetarëve në Festivalin e filmit në Kanë,...

Drejtësia dhe ndryshimet në modelin zgjedhor, Nuhiu: Do të angazhohemi për kod më të mirë zgjedhor

Ministria e Drejtësisë ka filluar procesin e përgaditjes së  ndryshimeve të modelit aktual zgjedhor dhe për këtë rast autoritetet e kësaj ministrie u kanë...

Lija e majmunit po i afrohet vendit, epidemilogu Elezi: Nuk ka hapësirë për panik, nuk është vdekjeprurëse

Lija e Muajmunëve është një tjetër virus që po përhapet nëpër Botë. Në Maqedoni ende nuk ka të infektuar, por dyshohet për një rast...

Afro një vit nën qeverisjen e talebanëve, thellohet varfëria në Afganistan! Qytetarët qëndrojnë në rradhë për të marrë ushqim

Dy radhë të gjata, njëra me burra, tjetra me gra, janë krijuar rreth një vendi të shpërndarjes së ndihmave të Programit Botëror të Ushqimit...

Dasmat në prag, bizneset “fërkojnë” duart

Sezoni veror në vendin tonë pritet më padurim nga ata të cilët planifikojnë të organizojnë dasmat e tyre. Edhe me më shumë padurim e...