Zaev nga forumi në Sarajevë: Ballkani Perendimor duhet të bëhet një treg i vetëm

Ish-kryeministri i RMV-së, Zoran Zaev në panelin e parë të Forumit të Biznesit në Sarajevë theksoi se bota, për shkak të krizës në Ukrainë dhe pandemisë, po përballet me mungesë ushqimore, riorganizim global të furnizimit me energji dhe goditje në çmim.

– Sfidat janë të mëdha dhe prandaj vlera e diskutimeve dhe forumeve të tilla në kërkim të zgjidhjeve të menduara, të bashkuara, rajonale dhe globale. Duhet të punojmë së bashku për të pasur sukses. Çelësi është në partneritete, në aleanca. Në kushtet e rreziqeve të trazirave globale, ne duhet të bashkohemi dhe të krijojmë platforma, bashkëpunim dhe partneritete që rrezatojnë paqen rajonale, stabilitetin, parashikueshmërinë. Prandaj, unë e vendos bashkëpunimin rajonal në radhë të parë, tha ai, duke shtuar se “është koha që” të paketohet “rajoni si një potencial investimi”.

Për të sjellë lojtarët e mëdhenj, mendon ai, duhet të luajmë edhe një lojë më të madhe.

– Ballkani Perëndimor ka potenciale të mëdha për krijimin e energjisë nga burimet e rinovueshme të energjisë, kemi shumë diell, erë dhe ujë. Kjo do të thotë të investosh në projekte të mëdha strategjike dhe infrastrukturore dhe sot mund të bëhet nga investitorë të mëdhenj dhe globalë. Vendet tona mund të jenë konkurruese për projekte të tilla vetëm nëse bashkohemi dhe veprojmë si rajon. Kështu do të zhduken disavantazhet, do të rriten përfitimet, pohon Zaev.

Ai e quajti projektin e Aleksandoupolit një shembull tipik se si të “luhet rajonalisht” kur bëhet fjalë për politikën globale të energjisë.

– Mendoj se duhet të jemi edhe më të guximshëm dhe më të vendosur kur bëhet fjalë për lidhjen rajonale. Situata në Ukrainë e kërkon këtë domosdoshmëri dhe rrit potencialin e bashkëpunimit rajonal në Ballkanin Perëndimor. Por këta janë hapa të mëdhenj që do të funksionojnë në afat të mesëm. Dhe kriza po troket në derë çdo ditë. Prandaj, vendet tona duhet të vazhdojnë të ofrojnë ndihmë të shtuar për qytetarët drejtpërdrejt. Sidomos më të pambrojturit dhe më të varfërit”, tha Zaev.

Ai është i bindur se ekonomitë e Ballkanit Perëndimor do të jenë më të forta dhe më dinamike nëse bashkëpunojnë, bashkohen dhe përpiqen të rriten sa më shpejt në një ekonomi të vetme të hapur në Ballkanin Perëndimor.

“Është garanci për konkurrencën në raport me gjithë botën, garanci për investime, për vende pune, për fuqi konsumatore dhe së fundi, garanci për një jetë më të mirë të qytetarëve tanë”, shtoi Zaev.

Stay Connected

0FansLike
0FollowersFollow

TË FUNDIT

Projekti që ka rindizur sherrin mes Leonorës dhe Norës, kunjat në dhomat e zhveshjes dhe përfshirja e miqve VIP

Të gjithë ishin shumë të fokusuar të shikonin ribashkimin e Borës dhe Donaldit në sfilatën e Valdrin Sahitit dhe dashur pa dashur mbeti jashtë...

Operacioni që riktheu dinjitetin e Drejtësisë kundër krimiṯ

Nga Mero Baze Ka tri ditë që shtypi shqiptar është kthyer në një telenovelë krimi, për shkak të rrjedhjes së dosjeve të një liste prej...

Kryeministri i ri australian Entoni Albaneze nesër do të bëjë betimin

Kryeministri i sapozgjedhur australian, Entoni Albaneze, nesër duhet të betohet, pas fitores së tij të djeshme në zgjedhje parlamentare të Partisë laburiste, njofton DPA. Albaneze...

Ambasadori amerikan në Beograd: Kosova dhe Ukraina janë dy situata të ndryshme

Ambasadori amerikan në Beograd, Christopher Hill ka thënë se Ukraina dhe Kosova janë “situata shumë të ndryshme”, duke bërë thirrje që ajo që ndodhi...

Dendias nesër e fillon mini turneun në Tiranë, Sarajevë dhe Shkup

Ministri i Punëve të Jashtme i Greqisë, Nikos Dendias prej nesër deri të mërkurën do t’i vizitojë Shqipërinë, Bosnje e Hercegovinën dhe Maqedoninë e...