Rexhepi: Politikat qeveritare krijojnë zgjidhje ligjore për lehtësim të procedurave edhe në gjeodezi

Zëvendës ministri për Transport dhe Lidhje, z. Bekim Rexhepi sot ka marrë pjesë në Seminarin me temë: “Teknologjitë e reja dhe praktikat e mira në Gjeodezi”, nën organizim të CLGE e në përkrahje nga Fakulteti i ndërtimtarisë në Shkup dhe Lidhja e odave ekonomike të Maqedonisë.

“Fillimisht ju falënderoj për ftesën për të marrë pjesë në këtë debat ekspertësh në kohë kur jemi në fazën e zbatimit të reformës më të rëndësishme në fushën e Ndërtimit. Sidomos tani kur kemi për detyrë t’u përgjigjemi të gjitha goditjeve të jashtme të çmimeve që ndikojnë fuqishëm në aktivitetin e përgjithshëm. Para nesh është sfida që ti zbatojmë të gjitha reformat, të pranojmë metoda dhe praktika të reja në mënyrë që të kemi një nivel të lartë profesionalizmi dhe standardizimi të normave. Politika e ndjekur nga kjo Qeveri në fushën e tokës ndërtimore dhe urbanizmit synon krijimin e zgjidhjeve të reja ligjore që besojmë se do të lehtësojnë procedurat për punën e të gjitha subjekteve, përfshirë edhe veprimtarinë gjeodezike”, është shprehur kështu në fjalimin e tij përshëndetës zëvendës ministri Rexhepi.

Sipas tij, e rëndësishme është kontributi në krijimin e politikave në industrinë që përfaqësohen.

“Agjencia e Kadastrës është tashmë në fazën e përgatitjes të propozim ligjit, me të cilin do të ndahet veprimtaria gjeodezike, kompetenca dhe organizimin i sektorit gjeodezik privat me ligj të posaqëm. Besojmë se së shpejti së bashku, ju si profesionistë dhe ne si organe institucionale do të sjellim zgjidhje logjore kualitative që ta ngrejmë kualitetin e punës të Gjeodetëve. Ajo që është e rëndësishme për ne është kontributi juaj në krijimin e politikave në industrinë që përfaqësoni. Besoj se ky tubim i profesionistëve vendas dhe ndërkombëtarë synon të ofrojë modele të reja pune, të forcojë kapacitetet dhe burimet në aktivitetin tuaj për të ofruar kushte për vazhdimësinë e zgjerimit të ndërtimit në vend”, ka thënë Rexhepi.

Në fund, zëvendës ministri Rexhepi ka përgëzuar Odën e shoqatës së tregtarëve për punë gjeodezike për organizimin e eventit nga i cili pritet të ofrohen zgjidhje të reja për zbatueshmërinë në vend.

“Para se të përfundoj, dëshiroj të theksoj se Ministria e Transportit dhe Lidhjeve është në proces të miratimit të Ligjit të ri për Ndërtim, i cili rregullon në mënyrë moderne dhe profesionale çështjen e ndërtimit të objekteve përmes të cilave stimulohet zhvillimi hapësinor dhe ekonomik i shtetit. Në fund, dëshiroj të përgëzoj Odën e shoqatës të tregtarëve për punë gjeodezike për organizimin e këtij eventi, nga i cili presim, siç e përmenda edhe më parë, të ofrojmë zgjidhje të reja moderne me zbatueshmërinë e tyre edhe në vendin tonë”, ka theksuar për fund Rexhepi.

Stay Connected

0FansLike
0FollowersFollow

TË FUNDIT

Kush është ish ushtari nga Hotla e Kumanovës, që po siguron boksierin e njohur botëror Conor McGregor në Kanë?

Deri sa përpiqemi t’i afrohemi yllit botëror të boksit Conor McGregor në turmën e madhe prej qindra gazetarëve në Festivalin e filmit në Kanë,...

Drejtësia dhe ndryshimet në modelin zgjedhor, Nuhiu: Do të angazhohemi për kod më të mirë zgjedhor

Ministria e Drejtësisë ka filluar procesin e përgaditjes së  ndryshimeve të modelit aktual zgjedhor dhe për këtë rast autoritetet e kësaj ministrie u kanë...

Lija e majmunit po i afrohet vendit, epidemilogu Elezi: Nuk ka hapësirë për panik, nuk është vdekjeprurëse

Lija e Muajmunëve është një tjetër virus që po përhapet nëpër Botë. Në Maqedoni ende nuk ka të infektuar, por dyshohet për një rast...

Afro një vit nën qeverisjen e talebanëve, thellohet varfëria në Afganistan! Qytetarët qëndrojnë në rradhë për të marrë ushqim

Dy radhë të gjata, njëra me burra, tjetra me gra, janë krijuar rreth një vendi të shpërndarjes së ndihmave të Programit Botëror të Ushqimit...

Dasmat në prag, bizneset “fërkojnë” duart

Sezoni veror në vendin tonë pritet më padurim nga ata të cilët planifikojnë të organizojnë dasmat e tyre. Edhe me më shumë padurim e...