‘Nuk duhej të lindja vajza’/ Dëshmia e 38-vjeçares: Më dhunonin barbarisht burri, vjehrra e kunata, më detyruan të abortoja

Një 38-vjeçare në lidhje live me studion e emisionit “Me zemër të hapur” ka rrëfyer se u martua me shkuesi dhe nuk e ka njohur më parë të shoqin, sot babanë e katër fëmijëve të saj. Ajo tregon se dhuna nisi pas lindjes së fëmijës së dytë, vajzë, gjë që nuk ishte në pëlqimet e bashkëshortit dhe familjarëve të tij. Ajo rrëfen se është keqtrajtuar dhe detyruar madje edhe të abortojë, duke ngritur pesha apo në forma të tjera çnjerëzore, pasi fëmijët duhet të ishin djem.

Pjesë nga rrëfimi i saj:

“Nuk e dija çfarë është martesa, më fejuan me shkuesi dhe isha e detyruar ta merrja si burrë pasi ligji i kanunit në vendin tim, aty ku unë jam lindur ishte shumë i fortë. Në një farë mënyre unë jam kërcënuar që ta merrja këtë burrë. Erdhi dita për t’u bërë nuse ata nuk pranuan donin të më merrnin pa dasmë, ka ndërhyrë vëllai im i madh i cili tha se motra ime do martohet me dasmë.

Pas 3 ditësh martesë unë sipas zakonit duhet të kthehesha në banesë te prindërit. Ato tre ditë ishin të mira, pas këtyre ditëve filluan pretendimet duke më kërkuar që të shkoja te lopa dhe të mos ndërrohesha dhe të mos beja tualet. Në atë moment bashkëshorti u largua në emigrim.

Atë kohë unë jetoja edhe me njerëzit e bashkëshortit, konfliktet filluan pas një viti martesë, ndërsa dhuna ka vazhduar pas lindjes së fëmijës së dytë, pasi lindi vajzë dhe ai nuk e donte dhe kishte pretendime që ta abortoja. Por unë e kuptoja se nuk dëshiroja që të jetoja më në atë shtëpi. Zakoni aty në atë shtëpi ishte që nuk duhet të lindja vajza.

Por burri i bënte fëmijët pa dëshirë, madje vjehrra thoshte se duhet t’i lindja fëmijët në shtëpi dhe nuk duhet të shkoja në spital, madje më kanë operuar me gërshërë që priten rrobat. Jam detyruar të abortoja duke më detyruar duke ngritur pesha të rënda duke më detyruar të ngrija plehun e lopës në qese të rënda. Një ditë nxorra lopën dhe mbeta tek fusha dhe sa erdha në shtëpi më detyruan të bëja kafe nuk ndihesha mirë dhe rashë nga shkallët dhe doli koka e fëmijës.

Më kanë dhunuar ditën e pestë të lindjes së gocës pse ajo lindi vajzë. U zhvendosëm nga veriu i Shqipërisë në një zonë të Tiranës. Edhe aty më ka dhunuar pafund i shtyrë edhe nga familjarët e tij. Vjehrra i thoshte se gratë e martuara kanë lidhje jashtë martesore dhe ai më dhunonte pafundësisht edhe mua edhe fëmijët duke më çuar në një gjëndje të rëndë fizike të shtrohesha në spital.

Burri me ka dhunuar barbarisht, ai më ka dhunuar edhe psikologjikisht mua edhe fëmijët. Unë jam dhunuar nga motra e tij dhe nga vjehrra edhe nga kunati, edhe fëmijët i kanë dhunuar ata barbarisht sepse urdhrat e mbrojtjes i kanë edhe fëmijët. Jam kërcënuar nga kunati dhe prokurori duke më kërkuar të mos ankimoja vendimin për dhunën. Ata nuk më kanë lënë kurrë rehat, madje më kanë kërkuar të bëjë divorcin sepse kishin plane për burrin duke i prezantuar apo martuar me dikë tjetër. Mendoj se ai gjatë kësaj kohe mund ta ketë bërë divorcin”, rrëfen ajo./BW

Stay Connected

0FansLike
0FollowersFollow

TË FUNDIT

“Patatja e nxehtë” për kryeprokurorin në duart e Vjosa Osmanit

Të pakënaqur me votimin e Këshillit Porkurorial dy prokuror të cilët kishin pretendime që të merrnin pozitën që Këshilli ia besoj Blerim Isufajt iu...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin “Lushtaku”, është bërë shumë zhurmë në media. I ftuar në emisionin...

Golden Eagle’s Prishtina do të marrë pjesë në “World Streetball Championship”

World Streetball Championship do të zhvillohet më datën 9 dhe 10 korrik në Paris. Në këtë eveniment të madh të ekzibicioneve të basketbollistëve të njohur...

Martohet modelja e famshme shqiptare Heidi Lushtaku me futbollistin turk

Modelja e famshme shqiptare Lushtaku është martuar me futbollistin turk Demiral. Lajmin e ka konfirmuar vetë modelja e njohur, ku në rrjetin social instagram...