Tre mërgimtarë në gjendje të rëndë shëndetësore, pas aksidentit në Austri

Në orët e para të mëngjesit autobusi nga Kosova u aksidentua në Austri, në autobanin perëndimor pranë Eugendorf, në orën 03:00 e mëngjesit, shkruan albinfo.at.

Sipas informacioneve të siguruara nga Albinfo, rreth 20 të aksidentuar jenë të lënduar, ndërkohë që Kryqi i Kuq dhe zjarrfikësit dolën në vendin e ngjarjes.

“Aktualisht dimë për tre persona me lëndime të rënda dhe janë në rrezik për jetë, ndërsa 16 të tjerë kanë lëndime josorioze”, tha për APA zëdhënësja e Kryqit të Kuq, Roberta Thanner.

“Aktualisht nuk kemi raporte për viktima”, theksoi ajo.

Aksidenti ndodhi në Salzburg-Nord dhe Wallersee (komuniteti i Eugendorf im Flachgau) në drejtim të Vjenës.

Autobusi me rreth 25 pasagjerë, mërgimtarë nga Kosova, ka të ngjarë të jetë përplasur në hekurudhën qendrore të betonit mbrojtës për arsye që janë ende të paqarta, tha zëdhënësi i policisë, Hans Wolfgruber për APA.

“Në automjet ishin rreth 25 persona”, tha komandanti i shpëtimit të qarkut Hermann Gerstgraser. Të gjithë të aksidentuarit u dërguan në spitalin shtetëror në Salzburg me ambulanca. “Tetë persona që mbetën të padëmtuar aktualisht po kujdesen nga ekipi i ndërhyrjes në krizë në selinë tonë në qytet”, tha Gerstgraser.

Sipas Wolfgruber, autobusi po udhëtonte nga Kosova për në Hanover. “Këta janë shqiptarë që vijnë nga Kosova”, tregoi ai.

Vlen të cekët se brigadat e zjarrit Hallwang dhe Eugendorf erdhën me rreth 60 vullnetarë në tetë automjete, dhe Kryqi i Kuq mbërriti me rreth 50 ndihmës në 14 automjete.

Theksohet se autobusi i dëmtuar ishte ende në vendin e aksidentit rreth orës 06:00, për këtë arsye Westautobahn ishte i pakalueshëm në këtë zonë. Automjeti pritet të tërhiqet herët në mëngjes. Sipas Wolfgruber, ende nuk dihet pse ka ndodhur aksidenti. /Albinfo.at

Stay Connected

0FansLike
0FollowersFollow

TË FUNDIT

“Patatja e nxehtë” për kryeprokurorin në duart e Vjosa Osmanit

Të pakënaqur me votimin e Këshillit Porkurorial dy prokuror të cilët kishin pretendime që të merrnin pozitën që Këshilli ia besoj Blerim Isufajt iu...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin “Lushtaku”, është bërë shumë zhurmë në media. I ftuar në emisionin...

Golden Eagle’s Prishtina do të marrë pjesë në “World Streetball Championship”

World Streetball Championship do të zhvillohet më datën 9 dhe 10 korrik në Paris. Në këtë eveniment të madh të ekzibicioneve të basketbollistëve të njohur...

Martohet modelja e famshme shqiptare Heidi Lushtaku me futbollistin turk

Modelja e famshme shqiptare Lushtaku është martuar me futbollistin turk Demiral. Lajmin e ka konfirmuar vetë modelja e njohur, ku në rrjetin social instagram...