Petrovska: Realiteti i sigurisë në Evropë bën thirrje për siguri të përforcuar kolektive

Realiteti i ri i sigurisë në kontinentin evropian bën thirrje për kohezion dhe bashkëpunim, ndërsa siguria jonë qëndron në sigurinë kolektive të aleatëve tanë në NATO, sepse ne jemi NATO, deklaroi sot ministrja e Mbrojtjes, Sllavjanka Petrovska, e cila është për vizitë zyrtare në Sofje.

Petrovska, siç informoi Ministria e Mbrojtjes, porositi se leksioni i përbashkët i mësuar gjatë tre muajve të kaluara është se vetëm kur të gjithë aleatët në NATO flasin njëzëri, kur qëndrojmë bashkë dhe punojmë bashkë, vetëm kështu mund ta garantojmë sigurinë tonë.

Ministrja e përshëndeti vendimin e Bullgarisë që të jetë nikoqir i grupit multinacional luftarak i NATO-s.

Duke e pasur parasysh situatën e sigurisë në Evropë, Petrovska porositi se ajo që për momentin është e nevojshme është integrimi i plotë dhe uniteti.

“Anëtarësimi i Maqedonisë së Veriut në NATO nënkuptonte siguri të përforcuar dhe stabilitet jo vetëm për shtetin tonë, por edhe për fqinjët tanë, duke e përfshirë edhe Bullgarinë e cila në një pjesë të kufirit të tij perëndimor ka vend – aleat”, theksoi ministrja Petrovska.

Ajo porositi se në takimin e ardhshëm të ministrave të NATO-s, si dhe në samitin e liderëve në Madrid do të bisedohet për disa dokumente të rëndësishme për Aleancën – agjenda NATO 2030 dhe Koncepti i ri strategjik i Aleancës. Informoi se Qeveria mbetet e përkushtuar në shpërndarjen e drejtë të shpenzimeve në kuadër të Aleancës dhe rritjes së qëndrueshme të Buxhetit të mbrojtjes i cili deri në vitin 2024 duhet ta arrijë nivelin në 2 për qind e prodhimit bruto vendor.

Stay Connected

0FansLike
0FollowersFollow

TË FUNDIT

Konfirmohet lajmi/ Kryetari i degës së ASH në Shkup shkarkohet nga VMRO për incidentin me armë zjarri

Drejtori Zudi Enuzi njëherit edhe kryetar i degës së ASH në Shkup, është shkarkuar nga pozita e ushtruesit të detyrës në ndërmarrjen publike Higjiena...

Hoxha: Hapi i parë është të kontrollohen recensentët

Analisti Ylli Hoxha, sa i përket projektligjit aktual për tekstet shkollore, ka thënë se nuk ka kujdes në botimin e teksteve shkollore. Hoxha në emisionin...

BDI: Incidenti i inskenuar nga aktivistët e koalicionit Aleanca – VMRO – Levica

Bashkimi Demokratik për Integrim fuqishëm dënon incidentet në protestat antieuropiane të nxitura nga elementet pro ruse në shoqërinë tonë, përfshirë edhe incidentin e inskenuar...