Afro një vit nën qeverisjen e talebanëve, thellohet varfëria në Afganistan! Qytetarët qëndrojnë në rradhë për të marrë ushqim

Dy radhë të gjata, njëra me burra, tjetra me gra, janë krijuar rreth një vendi të shpërndarjes së ndihmave të Programit Botëror të Ushqimit (WFP) në kryeqytetin afgan, Kabul, në nxehtësinë e diellit të mesditës.

Shumë nga njerëzit që presin mbështetje në Khwaja Rawash, një lagje e klasës së mesme pranë aeroportit Ndërkombëtar të Kabulit, janë të varfërit e rinj të Afganistanit. Dikur kishin punë të denjë, tani ata mbështeten në ndihmën e ndërkombëtarëve për të mbijetuar.

Është më e qetë se sa ishte në ditën e parë të dhurimeve këtë muaj në këtë distrikt, thotë për CNN Khalid Ahmadzai, një partner koordinues i WFP në vend. Në atë kohë, më 11 maj, njerëzit u ngjitën nëpër mure për të hyrë brenda.

WFP thotë se ndihmoi 3,000 familje në atë distrikt në ditën e parë, me çdo familje që kishte mesatarisht shtatë anëtarë. Të dielën e kaluar, rreth 700 qytetarë pritën me durim deri në dy orë para se t’u kontrolloheshin dokumentet e identitetit dhe t’u dorëzoheshin paratë.

Ahmadzai thotë se njerëzit janë të dëshpëruar.

“Disa ditë më parë, një grua erdhi tek unë dhe më tha: “Dua të të jap djalin tim për 16,000 afganë,” thotë ai, një shumë që arrin në rreth 175 dollarë. “Ajo po qante. Ishte ndjenja më e keqe që kam pasur në jetën time”.

Ai shtoi: “Djali i saj ishte ndoshta tre-katër vjeç… Ndjenja që kishte për urinë dhe gjendjen ekonomike që kishin, ajo ishte në një fazë për të kërkuar të shiste djalin e saj”.

Luftëtarët e armatosur nga talebanët, të cilët dikur sulmuan kryeqytetin e Afganistanit, tani ofrojnë sigurinë në qendrën e shpërndarjes së ushqimit.

Prania e tyre nxjerr në pah një ironi mizore të artikuluar nga Azima, një mësuese në radhë, e cila po merr ndihmë për herë të parë në jetën e saj. Ajo thotë se situata e sigurisë është përmirësuar që kur talebanët pushtuan Kabulin vitin e kaluar: “Sulmet vetëvrasëse janë ndalur. Por gjendja ekonomike e njerëzve nuk mund të ishte më e keqe.”

Kriza ekonomike e Afganistanit është shfaqur prej vitesh; rezultat i varfërisë, konfliktit dhe thatësirës. Por pasi talibanët morën pushtetin në gusht 2021, SHBA dhe aleatët e saj ngrinë rreth 7 miliardë dollarë të rezervave valutore të vendit dhe ndërprenë fondet ndërkombëtare. Ky veprim gjymtoi një ekonomi tashmë të varur shumë nga ndihma.

Stay Connected

0FansLike
0FollowersFollow

TË FUNDIT

“Rikthimi i PDK-së në qeverisje” – misioni i Krasniqit si kryetar

“Misioni im si kryetar është ringritja, fuqizimi dhe rikthimi i PDK-së në qeverisje, si parti e fitoreve, për zhvillimin e vendit tonë”. Kështu ka thënë...

Si ta përballoni valën e të nxehtit?

Dehidratimi, mbinxehja dhe lodhja ekstreme janë disa nga rreziqet kryesore që mund të sjellë vala e të nxehtit.  Ato mund të ndikojnë në përkeqësimin...

Zaev: Gjuha dhe identiteti maqedonas janë siguruar

Ish kryeministri i Maqedonisë së Veriut, Zoran Zaev është deklaruar në lidhje me propozimin e modifikuar francez për zgjidhjen e kontestit me Bullgarinë. Zaev...