Marrëveshja për bashkëpunim teknik hap kapitull të ri në marrëdhëniet ndërmjet dy vendeve

Ministri i Punëve të Jashtme, Bujar Osmani, në kuadër të vizitës në Japoni, realizoi takim me Ministrin e Punëve të Jashtme të Japonisë, Joshimasa Hajashi.

Ministrat e filluan takimin me nënshkrimin e Marrëveshjes për bashkëpunim teknik ndërmjet dy vendeve, me të cilën forcohet mundësia për implementimin e ndihmës bilaterale japoneze për Maqedoninë e Veriut, por edhe pasurohet korniza e dakorduar. Gjithashtu, Marrëveshja paraqet bazë për avancimin e marrëdhënieve bilaterale në më shumë aspekte, para se gjithash në pjesën e bashkëpunimit ekonomik dhe lidhjeve të biznesit.

Me këtë rast, Osmani, falënderoi për ndihmën shumëvjeçare dhe të vazhdueshme japoneze përmes projekteve të shumta, granteve dhe donacioneve, që e rangojnë Japoninë ndër donatorët më të mëdhenj në Maqedoninë e Veriut.

“Ndihma japoneze për Maqedoninë e Veriut, në mënyrë kumulative arrin pothuajse gjysmë miliard dollarë. Projekte të shumta të financuara nga Japonia e nxisin zhvillimin tonë ekonomik dhe social: nga rikonstruimi i shkollave, përmirësimi i kushteve në objektet mjekësore deri te mbështetja e ndërmarrjeve të vogla dhe të mesme, ruajtja e mjedisit jetësor – të gjitha këto janë fusha në të cilat ndihma japoneze fuqishëm kontribuon në zhvillimin e vendit” – theksoi Osmani.

Gjatë bisedimeve u shqyrtuan edhe mundësitë për avancimin e bashkëpunimit ekonomik dhe lidhjeve të biznesit, ku Osmani në këtë pjesë si veçanërisht të rëndësishme e vlerësoi Iniciativën e Japonisë për bashkëpunim me vendet e Ballkanit Perëndimor. Po ashtu, Ministri Osmani informoi edhe për prezantimin e kushteve që i ofron vendi për investitorët e huaj, në kuadër të Forumit të biznesit (JETRO), si dhe pjesëmarrjen e ardhshme të Maqedonisë së Veriut në OSAKA 2025.

“Për ne, forcimi i bashkëpunimit ekonomik dhe i lidhjeve të biznesit me Japoninë është veçanërisht i rëndësishëm. Pata mundësi të shkëlqyer për të promovuar klimën e biznesit në Maqedoninë e Veriut para një sërë kompanish japoneze nga industria e automobilave, energjetikës, sektorit të IT-së dhe fushave të tjera, të cilat treguan interes për të investuar në vend. Njëherazi, pjesëmarrja e Maqedonisë së Veriut në OSAKA EXPO 2025, do të kontribuojë në rritjen e dukshmërisë së vendit tonë në Japoni dhe do të hapë mundësi për arritjen e partneriteteve të reja biznesore dhe tërheqjen e investimeve japoneze” – theksoi Osmani

Në takim u shpreh dënimi i përbashkët ndaj invazionit rus në Ukrainë, i cili në radhë të parë e rrënon arkitekturën e sigurisë evropiane, por njëherazi ndikon në mënyrë të barabartë edhe në kontinentin aziatik, Indo-Paqësorin dhe në rendin e përgjithshëm ndërkombëtar të bazuar në rregulla.

Njëherazi, Osmani iu referua jubileve të rëndësishëm të ardhshëm – 110 vjetorit të lindjes së Kenzo Tange në 2023 dhe 30 vjetorit të vendosjes së marrëdhënieve diplomatike në 2024, të cilat paraqesin mundësi të mirë për të shënuar arritjet e deritanishme dhe sukseset në marrëdhëniet bilaterale ndërmjet dy vendeve.

Stay Connected

0FansLike
0FollowersFollow

TË FUNDIT

“Rikthimi i PDK-së në qeverisje” – misioni i Krasniqit si kryetar

“Misioni im si kryetar është ringritja, fuqizimi dhe rikthimi i PDK-së në qeverisje, si parti e fitoreve, për zhvillimin e vendit tonë”. Kështu ka thënë...

Si ta përballoni valën e të nxehtit?

Dehidratimi, mbinxehja dhe lodhja ekstreme janë disa nga rreziqet kryesore që mund të sjellë vala e të nxehtit.  Ato mund të ndikojnë në përkeqësimin...

Zaev: Gjuha dhe identiteti maqedonas janë siguruar

Ish kryeministri i Maqedonisë së Veriut, Zoran Zaev është deklaruar në lidhje me propozimin e modifikuar francez për zgjidhjen e kontestit me Bullgarinë. Zaev...

Amerika e përkrah propozimin europian për Maqedoninë e Veriut

Shtetet e Bashkuara të Amerikës përkrahin propozimin europian për Maqedoninë e Veriut dhe këtë e konfirmon edhe ambasadorja amerikane në vend, Kate Byrnes. Ne kemi...

Europa i qëndron prapa propozimit francez për Maqedoninë e Veriut

Edhe euro-ambasadori në vend David Geer, ka përshëndetur procesin dhe rrugën europiane të vendit me shpresë që tashmë hapja e rrugës për negociata do...