Radev: Propozimi francez është më i miri për momentin

Presidenti i Bullgarisë, Rumen Radev thotë se nuk duhet të largohet vëmendja e politikanëve tonë nga agjenda e bullgarëve dhe kjo është e qartë.

“Nuk do të kishim marrë propozimin francez, i cili është më i miri deri tani, nëse Bullgaria nuk do të kishte vënë veton ndaj dy këshillave të zgjerimit me një qëndrim të qartë vitin e kaluar.

Partnerët tanë evropianë tashmë ndajnë këtë pikëpamje se çështja e të drejtave civile dhe mbrojtja e tyre nuk mund të jetë vetëm dypalëshe ndërmjet RMV-së dhe Bullgarisë, por duhet të ngrihet në nivel të BE-së”, theksoi Radev.

Presidenti u kërkoi politikanëve bullgarë të mos nxitojnë për të shpallur një fitore historike, pasi ndryshimi i kushtetutës nuk është hapi i fundit, por i parë në rrugën e integrimit.

“Duhet të jetë e qartë se ky proces bazohet në dy dokumente të rëndësishme – i pari është kuadri i negociatave, që është një angazhim i zhvilluar nga BE-ja. E dyta është protokolli dypalësh, i cili është angazhimi ynë dhe është pjesë përbërëse e kuadrit të negociatave”, tha ai.

Radev tha se e mbështet propozimin francez si kornizë negociuese, por ajo varet nga çështjet bilaterale.

“I bëj thirrje Këshillit të Ministrave që të mos fshihet pas Asamblesë Kombëtare – është një institucion drejtues dhe presim të kemi vendime të qarta dhe të përgjegjshme në këtë drejtim”, shtoi Radev.

Stay Connected

0FansLike
0FollowersFollow

TË FUNDIT

Konfirmohet lajmi/ Kryetari i degës së ASH në Shkup shkarkohet nga VMRO për incidentin me armë zjarri

Drejtori Zudi Enuzi njëherit edhe kryetar i degës së ASH në Shkup, është shkarkuar nga pozita e ushtruesit të detyrës në ndërmarrjen publike Higjiena...

Hoxha: Hapi i parë është të kontrollohen recensentët

Analisti Ylli Hoxha, sa i përket projektligjit aktual për tekstet shkollore, ka thënë se nuk ka kujdes në botimin e teksteve shkollore. Hoxha në emisionin...

BDI: Incidenti i inskenuar nga aktivistët e koalicionit Aleanca – VMRO – Levica

Bashkimi Demokratik për Integrim fuqishëm dënon incidentet në protestat antieuropiane të nxitura nga elementet pro ruse në shoqërinë tonë, përfshirë edhe incidentin e inskenuar...