Rama mes lotësh flet për regjisoren Berisha: Komuniteti artistik humbi një ikonë, pa të Prishtina më nuk frymon njëlloj

Është duke u mbajtur një mbledhje komemorative në Teatrin Kombëtar të Kosovës për regjisoren, Vjosa Berisha.

Në nderim të jetës dhe veprës së producentes së njohur, mbledhjen përkujtimore e ka hapur kryetari i Prishtinës, Përparim Rama.

Rama ka shprehur ngushëllime teksa thekson që janë të pakta fjalët për të përshkruar Vjosën si artiste dhe kontributin që e ka dhënë për artin dhe kulturën.

Foto: Screenshot/Facebook

“Janë të mangëta fjalët për t’ua lehtësuar dhimbjen për vdekjen e regjisores Vjosa Berisha, Bashkëndjej me ju në këto ditë të vështira dhe për të gjitha ata që e kanë njohur Vjosën. Komuniteti artistik e humbi një ikonë, një zë të fuqishëm, një producentë të zellshme, lidere në fushën e artit dhe kinematografisë”, ka thënë ai.

“Pa të Prishtina më nuk frymon njëlloj, këtë mungesë do e ndjejmë edhe në PriFest e në shumë sfera e në ditët që do të na vijnë. Vjosa ka lënë gjurmë të thella në jetën kulturore të kryeqytetit. Ka nxjerr gjithnjë në pah vlerat. Vjosa i ka sjell Prishtinës artistë e filma të nivelit botëror, energji të papërshkrueshme, duke na e zbukuruar qytetin e duke na dhuruar emocione të paharrueshme. Ka dhënë përherë prej vetes energji pozitive dhe dashuri në secilën gjë që e ka bërë. Ajo e jetoi secilin moment. Pa Vjosën, as unë më nuk jam i njëjti. Dhe mungesën po ia ndjej qysh tani. I qoftë i lehtë dheu i Kosovës”, tha ai.

Foto: Screenshot/Facebook

Krahas Ramës, Ukën e ka përkujtuar edhe miku i saj i ngushtë, producenti Yll Uka.

“Është moment shumë i dhimbshëm dhe pikëllues për tu përshëndetur me Vjosa Berishën, e cila i dha aq shumë kulturës dhe artit. Vetëm një zonjë si Vjosa arriti që të krijoj një festival si Prishtina Film Festival, e cila bëri një festival me përmasa botërore”, tha Uka. /Telegrafi/

Foto: Facebook

Foto: Facebook

Stay Connected

0FansLike
0FollowersFollow

TË FUNDIT