“Nuk do të luante në asnjërin nga top klubet e Anglisë” – ish mbrojtësi i njohur anglez godet Leo Messin

Ish futbollistit i njohur anglez Danny Mills është sërish në titujt kryesorë të mediumeve, këtë herë për një analizë të tij rreth Lionel Messin dhe shanset e tij për ta pasur sukses në Ligën Premier.

Ish-mbrojtësi i djathtë i Anglisë dhe klubeve se Leeds dhe Man City, ka thënë se Messi nuk do të kishte një vend në asnjë nga gjashtë klubet më të mira në Ligën Premier.

“Messi është futbollisti më i mirë që kam parë ndonjëherë”.

“Unë e di që numrat e Cristiano Ronaldos janë pak më të mirë dhe ai është më shumë një lojtar i madh. Por, për sa i përket të qenit futbollist, Messi është më i madhi”.

“Por, a do ta merrnit Messin në ekipin tuaj tani? Ndoshta jo. Unë nuk mendoj se [asnjë nga gjashtë më të mirët e Ligës Premier] do ta merrte atë”.

“Liverpooli? Jo. Manchester City? Jo. Tottenhami? Jo, nuk mendoj se do ta bënin”, ka thënë Mills për talkSPORT.

Megjithatë, Gabby Agbonlahor nuk u pajtua plotësisht me Mills dhe tha se Messi do të luante për çdo ekip.

“Ai do të fillonte në të gjitha ato ekipe dhe ende ka cilësi”, u përgjigj Agbonlahor. /Telegrafi/

Stay Connected

0FansLike
0FollowersFollow

TË FUNDIT