Pasivizimi i adresave të shqiptarëve në Luginë të Preshevës, Parlamenti Evropian miraton Rezolutë

Parlamenti Evropian (PE) ka miratuar rezolutën për çështjen e “pasivizimit” të adresave të shqiptarëve në Serbi, rezulotë e cila do të figurojë në Raportin e Progresit për Serbinë për vitin 2021.

Lajmin lidhur me miratimin e kësaj rezulote e ka bërë të ditur aktivistja, Flora Ferati-Sachsenmaier e cila këtë rezolutë e ka quajtur “fitore diplomatike”.

Përmes një postimi në Facebook, Ferati-Sachsenmaier ka shkruar se kjo rezolutë e miratuar flet për shkeljen e të drejtave themelore politike të shqiptarëve që iu bëhen në Serbi.

“Teksti i amendamentit 79, i cili u propozua dhe më pas u miratua në tërësi nga euro deputetët vën theksin te mohimi i drejtës së votës të shqiptarëve etnikë në Luginë të Preshevës, për herë të parë e shkruan fjalën pasivizimin në thonjëza, flet për shkelje të drejtave themelore politike të shqiptarëve, si dhe thërret për një hulumtim të pavarur”, ka shkruar aktivistja, Flora Ferati-Sachsenmaier.

Stay Connected

0FansLike
0FollowersFollow

TË FUNDIT