“Protesta madhështore”, Alizoti: Njerëzit nuk dolën për Berishën, por për të shprehur zemërimin ndaj qeverisë

schedule20:05 – 12 Korrik, 2022

Në datën 7 korrik mijëra qytetarë, të thirrur nga “Rithemelimi”, protestuan përballë kryeministrisë.

Deputeti Tomor Alizoti, i ftuar në “Radari Informativ”në Abc me gazetaren Juli Xhokaxhi u shpreh se protesta ishte madhështore dhe jashtë pritshmërive. Sipas tij, protesta shpreh zemërimin e popullsisë ndaj një qeverie e cila nuk prodhon më politikë.

Alizoti: Protesta ishte madhështore. Protesta janë shumë të domosdoshme dhe shumë të bukura që ndodhin. Unë kisha një pritshmëri që do ishte shumë e madhe, por kur e shikon kupton që ishte madhështore dhe i bën shumë mirë Shqipërisë. Protesta shpreh zemërimin e popullsisë ndaj një qeverie e cila ka kapur të gjitha institucionet, nuk prodhon për shoqërinë dhe është bërë arrogante. Arroganca nxori shoqërinë në shesh. Ishte një protestë përtej surprizave.

Alizoti u shpreh se interpretimet për protestën janë të ndryshme. Por në gjykim e tij, protesta edhe pse në vetvete nuk ishte për Berishën, e fuqizoi këtë të fundit.

Alizoti: Të parët ishin militantët, pjesa tjetër ishin neutral dhe pjesa tjetër mund të ishin edhe ata që nuk e donin. Mendoj se ky është suksesi, që të gjitha këto grupe mendonin se Berisha është i vetmi që mund të bëjë opozitë ndaj Ramës. Njerëzit nuk dolën për Berishën por dolën se duan të protestojnë. Kjo është një maratonë e gjatë. Protesta duhet strukturuar në një kauzë që të përfshijë njerëzit. Duhet të përfshijë zonën gri, njerëzit sepse është e tyre, nuk mund të personalizohet.

Deputeti theksoi se kur nuk funksionon mirë qeveria, protesta e tremb kundërshtarin. Vendi ka nevojë për një opozitë, sipas tij, dhe opozita sot ka shumë kauza të cilat mund t’i shfrytëzojë. /Abcnews.al/


Stay Connected

0FansLike
0FollowersFollow

TË FUNDIT

Pas Taika Waititi, as Rita Ora s’e fsheh më unazën, burimet konfirmojnë martesën – Abc News

schedule22:45 - 8 Gusht, 2022 Dyshimet se është martuar me Taika Waititi, i ka shtuar më shumë vetë Rita Ora. Ylli shqiptar me...

VIDEO/ Humbja i la me pasoja, Berardi tërbohet dhe kërkon të zihet me një tifoz

schedule22:45 - 8 Gusht, 2022 Një episod aspak i bukur për sulmuesin e Sassuolos, Domenico Berardi, në fund të ndeshjes kundër Modenas në...