Kam shumë kohë pa bërë seks! – Abc News

Elon Musk ka mohuar pretendimet se ai ka pasur një lidhje me gruan e bashkëthemeluesit të Google, Sergey Brin dhjetorin e kaluar, gjë që dyshohet se çoi në divorcin e çiftit, sipas Daily Mail.

Musk, 51 vjeç, postoi në Twitter një mesazh për të gjitha spekulimet se ai ishte ulur në gjunjë për t’i kërkuar falje Brinit në një festë në fillim të këtij viti, pasi themeluesi i Google mësoi për lidhjen e Musk me gruan e tij, Nicole Shanahan.

Miliarderi shkroi në Twitter në përgjigje të një artikulli në Wall Street Journal që përshkruante sagën e ndyrë: ‘Kjo është absurde. Unë dhe Sergey jemi miq dhe ishim në një festë së bashku mbrëmë! Unë e kam parë Nicole vetëm dy herë në tre vite,  dhe në të gjitha rastet kemi qenë më njerëz përreth.  Asgjë romantike.’

Ai më pas tha: “Nuk kam bërë seks prej shumë vitesh.”

“WSJ ka shkruar kaq shumë artikuj të mirë rreth meje dhe Tesla, azq sa  kam humbur numërimin! Është e turpshme për ta, sinqerisht’. WSJ supozohet të ketë një standard të lartë për gazetarinë dhe, për momentin, ata nuk e kanë.  WSJ duhet të tregojë histori që në fakt kanë rëndësi për lexuesit e tyre dhe të kenë bazë të qëndrueshme faktike, jo thashetheme të rastësishme të palëve të treta,” shtoi ai.

Thuhet se Musk ka pasur një përplasje të shkurtër me avokaten e Brin, Nicole Shanahan në Art Basel, një ngjarje shumëditore arti në Miami, në dhjetor të vitit të kaluar. Dyshohet se kjo e shtyu Brin, njeriun e tetë më të pasur në botë me një pasuri neto prej 95 miliardë dollarësh, të paraqesë kërkesë për divorc në janar.

Ai përmendi faktin se kishin dallime me njeri-tjetrin si arsye, por Wall Street Journal të dielën raportoi se ishte biseda e Musk me Nicole ajo që sinjalizoi fundin e martesës së tyre. Art Basel u zhvillua në Miami vitin e kaluar midis 2 dhe 4 dhjetorit, raporton abcnews.al.

Sipas burimeve të Journal, Nicole dhe Sergey tashmë kishin probleme për shkak të stresit të COVID-19. Ata po debatonin edhe për kujdesin e vajzës së tyre katërvjeçare. Burimet e cituara nga Journal thonë se Nicole tani po kërkon 1 miliardë dollarë për divorcin e tyre – një pjesë e pasurisë prej 95 miliardë dollarësh të burrit të saj.

Skandali i fundit romantik që ka ndodhur me Musk, vjen në mes të betejës së tij të vazhdueshme ligjore me Twitter, e cila po dëmton imazhin e kompanisë, por edhe të ardhmen e mediave sociale.

/abcnews.al   

Stay Connected

0FansLike
0FollowersFollow

TË FUNDIT

Diplomacia diskrete është çelësi për zgjidhjen e krizës në Zaporizhzhia – Abc News

schedule19:52 - 19 Gusht, 2022 Sekretari i Përgjithshëm i OKB-së, António Guterres thotë se situata në termocentralin bërthamor të Zaporizhzhia, më i madhi...

Vendoret, Gështenja: Të dënuar të dalim me 1 kandidat, jemi gati të bashkohemi në shtator

schedule16:11 - 19 Gusht, 2022 Nga Juxhin Mustafaraj  Deputeti demokrat Lefter Gështenja nuk i është bashkuar grupit të Berishës në Partinë Demokratike por është...