KMDLNJ kërkon më shumë benefite për të burgosurit

Shumë të burgosur në vend përfitojnë beneficione të ndryshme si rezultat i sjelljeve të mira gjatë qëndrimit të tyre në burg. Por, janë monitoruesit e personave të privuar nga liria, të cilët po thonë se të burgosurit kosovarë duhet të kenë më shumë beneficione, pasi, sipas tyre, kanë sjelljet më të mira në rajon.

I përcjellë nga oficerët korrektues Faton Hajrizi ka takuar familjarët e vet pas 18 vjetësh në banesën ku ata jetojnë në Skenderaj.

Faton Hajrizi, i cili në vitin 2000 ishte burgosur, pasi kishte vrarë një ushtar rus në Skenderaj, është i njohur në publik si personi që është arratisur nga të gjitha burgjet e Kosovës.

Pra, Faton Hajrzi është arratisur tetë herë.

Faton Hajrizi, i burgosur

Por, këtë dalje nën shoqërimin e gardianëve ai e ka përfituar pas 18 vitesh, pasi që i është përshtatur kushteve të risocializimit brenda burgut.

Të burgosur të tjerë si Faton Hajrizi kanë po të njëjtën dëshirë e qëllim.

E si ja arrijnë ti përfitojnë të burgosurit këto benificione ka treguar zv.drejtori i Shërbimit Korrektues të Kosovës, Ismail Dibrani.

“I dënuari duhet të ketë sjellje të mira, të përshtatet me rendin shtëpiak. Pastaj i nënshtrohet një paneli, i cili është multidisiplinor që bën vlerësimin gjatë mbajtjes së dënimit. Paneli propozon drejtorit dhe drejtori pastaj vendos a duhet të shkojë apo jo në shtëpi”, ka thënë Dibrani.


Ismail Dibrani, zv.drejtor i Shërbimit Korrektues të Kosovës

Ndërsa në Këshillin për Mbrojtjen e të Drejtave dhe Lirive të Njeriut thonë se të burgosurit kosovarë meritojnë më shumë beneficione, pasi, sipas tyre janë më të sjellshmit në rajon.

“Për shkak të sjelljeve të mira që i kanë do të duhej që të njëjtit të merrnin diçka, një shpërblim. Ky është qëllimi, përndryshe cili do të ishte qëllimi i sjelljeve të mira. Prandaj ne si monitorues vlerësojmë që ata nuk e marrin atë që e meritojnë”, ka thënë Valentina Demolli nga KMDLNJ.


Valentina Demolli, KMDLNJ

Aktualisht në burgjet e Kosovës janë duke vuajtur dënimet mbi 1000 persona, ndërsa në paraburgim gjenden edhe 430 persona të tjerë. /Dukagjini/

Stay Connected

0FansLike
0FollowersFollow

TË FUNDIT

Diplomacia diskrete është çelësi për zgjidhjen e krizës në Zaporizhzhia – Abc News

schedule19:52 - 19 Gusht, 2022 Sekretari i Përgjithshëm i OKB-së, António Guterres thotë se situata në termocentralin bërthamor të Zaporizhzhia, më i madhi...

Vendoret, Gështenja: Të dënuar të dalim me 1 kandidat, jemi gati të bashkohemi në shtator

schedule16:11 - 19 Gusht, 2022 Nga Juxhin Mustafaraj  Deputeti demokrat Lefter Gështenja nuk i është bashkuar grupit të Berishës në Partinë Demokratike por është...

“I përkëdhelur dhe i padurushëm”, situatë e ndërlikuar në dhomën e zhveshjes së Parisit për Mbappe

schedule16:14 - 19 Gusht, 2022 Sjellja e Mbaappe nuk është më e mira e mundshme dhe ka shkaktuar komente të shumë njerëzve. Superylli francez...