Një mbrëmje me verë të mirë dhe sigurisht muzikë ishte ajo që lamë pas. Në zemër të kryeqytetit në Pazarin e Ri shumë qytetarë provuan prodhimet vendase të verës.
Nën kujdesin e Bashkisë së Tiranës, që prej mëngjesit të së shtunës deri në mbrëmje vonë qytetarë por jo vetëm edhe turistë shijuan shijet e vreshtave shqiptarë.
Kantinat e verës nga e gjithë Shqipëria u mbledhën bashkë, mes dashamirësve të kësaj pije, në një tryeze ku nuk mungoi as ushqimi i mirë tradicional, një nisëm kjo për të fuqizuar dhe promovuar prodhimet vëndase.
Festivali i verërave këtë vit shënoi 3-vjetorin kushtuar kësaj agrokulture, e shoqëruar edhe me bandën muzikore OffCHESTRA.
