Agim Ademi e konfirmon: Kosovë-Izraeli, me praninë e publikut

Ndeshja ndërmjet Kosovës dhe Izraelit, e planifikuar të zhvillohet më 12 nëntor në stadiumin “Fadil Vokrri” në Prishtinë do të zhvillohet me praninë e...

TË FUNDIT

Të shtëna me armë pranë Universitetit të Nevadës në SHBA, raportohet për viktima

Të shtëna me armë janë regjistruar ditën e mërkurë në Universitetin e Nevadës në Las Vegas, ku raportohet se ka patur disa persona...

Panik në Bruksel, larje hesapesh mes bandave! Plagosen tre persona

Brukseli është tronditur sërish mbrëmjen e së mërkurës, ku si pasojë e të shtënave me armë kanë mbetur tre persona të plagosur.   Mediat belge...

Banka Popullore: Kujdes në tregun e patundshmërive

Ndërtimi i banesave të reja në vend nuk ka të ndalur, por Banka Popullore e Maqedonisë së Veriut thotë se edhe pse tregu i patundshmërive për momentin është relativisht stabil është i nevojshëm kujdes më i madh. Lufta në Ukrainë dhe pasiguria për ekonominë vendase dhe inflacioni janë faktorë të rrezikut që mund ta godasin edhe këtë sektor. Gjatë vitit të kaluar ka pasur shumë më tepër blerje dhe shitje të banesave në raport me vitin pandemik 2020, krahas rritjes së çmimeve prej 6%. Regjistrimi gjatë vitit të kaluar tregoi se në vend ka rreth 200 mijë banesa më shumë se amvisëri.

Banka Popullore i ndjek situatat dhe rreziqet e reja të krijuara në tregun e patundshmërive dhe nëse imponohet nevoja do të marrë masa për ruajtjen e stabilitetit financiar në vend. Sot, Banka Popullore, njoftoi se në vitin 2021, janë blerë dhe janë shitur më tepër banesa krahasuar me vitin e kaluar.

“Transaksionet me patundshëmri në vitin 2021 e kanë tejkaluar nivelin parapandemik. Çmimet e banesave gjatë vitit të kaluar janë rritur për 6,1%, posaçërisht në gjysmën e dytë të vitit. Shkalla e rritjes së çmimit të banesave në ekonominë vendase është pak më e ulët se mesatarja e BE-së që është 8,3%.” – thonë nga Banka Popullore.

Çmimi i një metri katror të banesave, që në disa pjesë të Shkupit ka arritur deri në 2 mijë euro, sipas Bankës Popullore i referohet rritjes së çmimit të materialeve ndërtimore, por edhe ngecjes në industri gjatë periudhës së pandemisë. Që atëherë është në rritje edhe dhënia e lejeve për ndërtim, që sugjeron se edhe në periudhën që vjen do të ofrohen banesa të reja krahas faktit që numri i patundshmërive të pashitura është gjithnjë e më i lartë. Regjistrimi i vitit të kaluar tregoi se ka rreth 200 mijë banesa “tepricë”, që sipas drejtorit të Entit për Statistika, Apostol Simovski, është mbyllje e parave për shkak të sigurisë.

“Më parë blehej tokë, tani njerëzit blejnë banesa. E vëreni se në Shkup ka ndërtesa të reja, objekte të reja, por në qoftë se kaloni në mbrëmje do ta shihni se vetëm një e katërta e tyre janë me drita. Çmimet deri më tani nuk janë ulur, kanë stagnuar ose rriten” – deklaroi Apostol Simovski, drejtor i ESHS (Klan Debat, mars 2022)

Banka Popullore tani sugjeron kujdes, sepse lufta në Ukrainë dhe pasiguria në ekonominë vendase, si dhe inflacioni i lartë, për të cilin askush në Evropë nuk mund të parashikojë kur do të ndalet, paraqesin faktorë serioze të rrezikut që mund ta godasin edhe tregun vendas të patundshmërive, përkatësisht ata që kanë marrë kredi për banesa, të mos kenë mundësi ta kthejnë.

Latest Posts

Të shtëna me armë pranë Universitetit të Nevadës në SHBA, raportohet për viktima

Të shtëna me armë janë regjistruar ditën e mërkurë në Universitetin e Nevadës në Las Vegas, ku raportohet se ka patur disa persona...

Panik në Bruksel, larje hesapesh mes bandave! Plagosen tre persona

Brukseli është tronditur sërish mbrëmjen e së mërkurës, ku si pasojë e të shtënave me armë kanë mbetur tre persona të plagosur.   Mediat belge...

Mos i humbisni

Spasovski: Vanja ka vdekur nga plaga me armë zjarri, janë gjetur dy armë në afërsi të Shkupit

Ministri i Punëve të Brendshme Oliver Spasovski në një deklaratë të mbajtur mbrëmë në lidhje me pyetjen nëse Vanja, vajza 14-vjeçare, ka qenë e...

Moti i acartë shkakton 3 viktima në Gjermani

Prej disa ditësh Gjermani është “pushtuar” nga moti i acartë, dhe për pasojë tre persona kanë humbur jetën.   Gjithashtu prej 3 ditësh është i...

Frika nga një “Çernobil i ri”, ngrihet alarm për një rrjedhje në fabrikën e mbetje radioaktive

Sellafield, objekti bërthamor më i rrezikshëm i Evropës, ka një rrjedhje të përkeqësuar nga një kapanon i madh mbetjesh radioaktive që mund të rrezikojë...