Edi Rama: Shqiptarët e Maqedonisë së Veriut janë më mirë se kurdoherë

Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë së cilës u dhanë porosi të qarta mbi bashkëpunimin...

VMRO kerkon ndryshime ne BDI

Zëvendës kryeministri i parë ka heshtur për peticionin për rivendosjen e unitetit në parti, të cilin e kanë nënshkruar 20 anëtarë të BDI-së.

Ai është paraqitur në një ngjarje të fundit së bashku me liderin e partisë, por nuk ka dhënë asnjë deklaratë. Përgjigje në formë të prerë ka dhënë vetë Ali Ahmeti. I pyetur nëse përzgjedhja e kuadrove partiake është bërë privilegj i Artan Grubit, Ahmeti ka thënë se partia mund të bëjë pa të gjithë, edhe pa anëtarët që kanë nënshkruar letrën. Pavarësisht synimit për të treguar unitet, asnjë nga 20 nënshkruesit e peticionit nuk mori pjesë në këtë ngjarje.

“Gjithmonë ka pasur pakënaqësi, ka pasur gjithmonë debate dhe mbi të gjitha kjo është një vlerë që unë përpiqem për 20 vite me radhë, t’i them gjërat hapur. Mazhoranca jo anarkike e BDI-së dëshiron rregull, dëshiron debat paqësor dhe shkencor. Debati është i hapur edhe për këtë, institucionet janë të gjitha funksionale dhe ne do të punojmë dhe do të veprojmë sipas agjendave të përcaktuara”, tha Ali Ahmeti, kryetar i BDI-së.

Sipas disa analistëve politikë, ka ardhur koha që të përzihen kartat mes integrativëve, sepse BDI është kthyer nga parti në një kompani me drejtorë dhe zëvendësdrejtorë.

Në BDI është koha të përzihen letrat, me kalimin e kohës krijohen personazhe, të cilët mendojnë se pa to nuk bëhet asgjë. Mendoj se do të ketë disa ndryshime dhe diçka do të merret dhe mendoj se në përgjithësi skena e kampusit politik shqiptar duhet të pësojë ndryshime. Do të duhet të ketë një kthesë në veprimet dhe drejtimin në të cilin po lëviz politika e shqiptarëve në Maqedoni, tha analisti Agim Jonuz.

Në mesin e nënshkruesve të letrës janë edhe Izet Mexhiti, Visar Ganiu, Blerim Bexheti, Musa Xhaferi – persona që mbanin poste të larta në institucionet shtetërore.

Mirëpo, sipas analistit Xhenur Iseni, bëhet fjalë për personazhe të rraskapitur që kërkojnë një shans të dytë dhe nuk e dinë se çfarë do të thotë fjala përgjegjësi.

Mirëpo, thotë Iseni, edhe revolta e tyre është e justifikuar.

Është shumë keq që disa nga personat që kanë nënshkruar këtë letër janë njerëz që nuk e dinë se çfarë do të thotë përgjegjësi. Megjithatë, veprohet si Sulejman i Madhërishëm. Ajo që po bëhet tash dhe kjo situatë në BDI tregon se aty ku njerëzit janë të pangopur për pasuri personale dhe për shkak të kësaj vijnë në poste të larta, vështirë të kesh një qeveri të mirë. Kjo është një luftë e brendshme se kush do t’i prijë rrugës dhe kjo luftë do të rezultojë në humbjen e tyre, thotë analisti Jenur Iseni.

Anëtarësia nënshkruese e letrës mendon se në BDI për gati dy vjet organet statutore partiake nuk ekzistojnë dhe nuk janë themeluar.

Si pasojë e kësaj, vendimmarrja politike u bë pronë individuale, nuk pati debat dhe konsultim me bazat partiake dhe zgjedhjet e personelit u kthyen në privilegj individual.

Latest Posts

Akademi solemne për Ditën e Flamurit nesër në Shkup

Me rastin e 28 Nëntorit – Ditës së Flamurit, nesër në Shkup organizohet Akademi solemne. Me këtë rast, nën patronatin e Ali Ahmetit – Kryetar...

Kremlini mbron aleancën e sigurisë të udhëhequr nga Rusia

Zëdhënësi i Kremlinit, Dmitry Peskov tha të dielën se përpjekjet për të shkatërruar një aleancë sigurie të udhëhequr nga Rusia kanë ekzistuar gjithmonë dhe...

Edi Rama: Shqiptarët e Maqedonisë së Veriut janë më mirë se kurdoherë

Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë së cilës u dhanë porosi të qarta mbi bashkëpunimin...