Sekretari shtetërorë në Ministrinë e Punës dhe Politikës Sociale, Resmi Ejupi i cili vjen nga rradët e BDI-së, nëpërmes një prononcimi për indeks.mk ka dërguar porosi tek qytetarët që të jenë të qetë sepse siç tha në buxhet ka mjete për kompenzimin e rrogave dhe pensioneve.
Foli edhe për rritjen e pensioneve dhe metodologjinë e re.
“Gjatë muajit shtatorë, pensionistët kanë pranuar pensionet me rritje, nëse e marrim me përqindje, sakt është 6.8%. Kjo rritje është bërë sipas medotologjisë së re. Sipas kësaj metodologjie, pensionet do të rregullohen, dy herë në vit. Apeloj deri tek qytetarët që të mos shqetësohen pasiqë në buxhetin e vitit 2022 ka mjete për ekzekutimin e pensioneve dhe pagave. Ka mjete edhe për ekzekutimin e kompenzimeve për mbrojtje sociale dhe të fëmijëve. Këto mjete janë paraparë në buxhetin e këtij viti”, deklaroi Ejupi.
Foli edhe për ndërtimin e çerdheve, investime këto që varen direkt nga Ministria për Punë dhe Politikë Sociale, tha se për momentin në gjashtë komuna shqiptare janë duke u ndërtuar çerdhe për fëmijë.
“Gjatë viteve të kaluara MPPS ka pasur shpallje për ndërtimin e çerdheve. Në këto shpallje kanë pasur të drejtë të aplikojnë të gjitha komunat. Në MPPS kanë aplikuar edhe komuna të cilat janë të banuara me shumicë shqiptare. Në disa nga këto komuna do të ndërtohen çerdhe të cilat do të jenë me kushte moderne. Për momentin janë duke u ndërtuar çerdhe të reja në gjashtë komuna edhe atë, në Komunën e Çairit, Tetovës, Tearcës, Likovës, Haraçinës dhe Gostivarit”, tha Ejupi.
