BDI e bashkuar rreth frontit për Europë

Pas përfundimit të mbledhjes së BDI-së që u mbajt në Tetovë, Ali Ahmeti para mediave ka deklaruar se tema ka qenë fronti për Europë...

Rama-Mitsotakis takim në samitin e Pragës/ Kryeministri grek: Mbështesim Shqipërinë në rrugën europiane

Burime qeveritare greke kanë bërë me dije mbrëmjen e së enjtes se kryeministri Mitsotakis ka pasur edhe takime dypalëshe më kuadrin e samitit të Komunitetit Politik Evropian të Pragës midis të cilave edhe me kryeministrim Rama.

Sipas të njëjtave burime, dy liderët shkëmbyen mendime për të gjithë gamën e marrëdhënieve dypalëshe dhe zhvillimet rajonale dhe konfirmuan vullnetin e tyre për thellimin e bashkëpunimit dypalësh.

Nga ana e tij, Kyriakos Mitsotakis nënvizoi mbështetjen e vazhdueshme të Greqisë për rrugën europiane të Shqipërisë, në përputhje me termat dhe kushtet e vendosura nga Këshilli Europian.

U diskutuan edhe efektet e krizës së luftës në Ukrainë për Ballkanin Perëndimor dhe nevoja për të ruajtur stabilitetin dhe për të forcuar sigurinë energjetike të rajonit.

Sipas burimeve qeveritare, Mitsotakis nënvizoi interesin e vendosur të Athinës për mbrojtjen e të drejtave të pakicës kombëtare greke në Shqipëri, me theks të veçantë sigurimin e të drejtave të tyre pronësore.

Ai iu referua gjithashtu edhe përcaktimit të kufirit detar të të dy vendeve dhe theksoi se dërgimi i çështjes në Gjykatën Ndërkombëtare të Drejtësisë në Hagë, siç është rënë dakord, do të forcojë më tej marrëdhëniet e mira fqinjësore duke shfrytëzuar potencialin e tyre të plotë.

Kyriakos Mitsotakis pati një takim të shkurtër edhe me kryeministrin e Maqedonisë së Veriut Dimitar Kovaçevski dhe Presidenten e Kosovës Vjosa Osmani-Sadriu.

Latest Posts

“Bashkë Fitojmë” zyrtarizon kandidatët për këshillat bashkiakë, Ilir Alimehmeti kryeson Tiranën

Kryesia e drejtuar nga Sali Berisha miratoi kandidatët për keshillat bashkiakë, pasi kandidatët për kryetar bashkie janë zgjedhur nga procesi i primareve në fillim...

Putin: Rusia do të vendosë armë bërthamore taktike në Bjellorusi

Presidenti i Rusisë, Vladimir Putin, thotë se Moska ka arritur marrëveshje për të vendosur armë bërthamore taktike në territorin e aleates së ngushtë, Bjellorusisë,...

Uniformat e policisë në Maqedoni edhe në gjuhën shqipe, hyn në fuqi ligji

Hyn në fuqi Dekreti për uniformat dhe shenjat në uniformat e policisë, të cilën Qeveria e miratoi para një viti në bazë të Ligjit...