Në profilin privat në “Facebook”, zëvendëskryeministri Grubi ka kthyer memorjen prapa për të kujtuar disa momente të bukura të kaluara me Xhevair Jakupin, Xheki i cili sot në moshën 38 vjeçare u nda nga jeta.
Grubi ka shkruar se Xheki ishte shumë i ri ku u bashkëngjit në “ushtrinë” e Shkupit. Ai mes tjerash thotë se ai nuk mungoi asnjëherë në asnjë betejë sportive edhe pse shpesh herë është larguar për shkak të moshës së re që e kishte.
Zv. Kryeministri i parë ka ngushëlluar familjen duke uruar që i ndjeri të jetë banorë i parajsës.
Xheki ishte shumë i ri kur na u bashkangjit në ushtrinë e Shkupit dhe më kujtohet që shpesh e largonim për arsye të moshës, por ai kokëfortë gjithmonë riktheheshte dhe asnjëherë nuk mungoi në betejat tona rinore sportive.
Sot e shoh murin tim përplot me ngushëllime për 38 vjeçarin të cilin i gjithë Shkupi e njihte dhe u mërzita shumë. Ngushëllime familjes, qoftë i parajsës!
