Saraçini: Përveç ndryshimeve kushtetuese, nevojitet edhe luftë më efikase kundër korrupsionit

Koalicioni qeveritar ndodhet para dy sfidave, të pengojë zgjerimin e ndikimit rus në Maqedoninë e Veriut dhe të bindë opozitën për të votuar ndryshimet...

Ajo çfarë ka bërë ky shqiptar në aeroportin e Zyrihut, mund ta keni parë vetëm në filma

Një 27-vjeçar ka arritur të drejtojë një makinë nëpër pistën e Aeroportit të Zyrihut pa pasur autorizim. Më pas ai është gjetur, i fshehur në bagazhin e një aeroplani. Shqiptari i ri tashmë është dënuar – aeroporti ende po bën vlerësimin e situatës së sigurisë

Aeroporti i Zyrihut merr rregullisht çmime “për mirësjellje ndaj klientit dhe për standarde të larta të cilësisë”, transmeton albinfo.ch. Kështu të paktën mund të lexohet në faqen e tij të internetit.

Mirëpo, pikërisht në këtë aeroport së fundmi ka ndodhur një incident sigurie, i cili deri më tani nuk ka tërhequr pothuajse asnjë pasojë, shkruan “Tages-Anzeiger”.

Ngjarja për të cilën për herë të parë është raportuar nga revista e konsumatorëve “K-Tipp”, ka ndodhur më 24 gusht 2022. Sipas kësaj, një 27-vjeçar shqiptar ka hyrë pa autorizim në ambientet e aeroportit rreth orës 22:00. Fillimisht ai ka ecur në asfaltin e pistës dhe më pas ka marrë një makinë të kompanisë Swiss, të cilën e ka përdorur për të shkuar në Dock E përmes pistës 28.

Pasi ka mbërritur në Dock E, i cili përdoret kryesisht nga avionët për distanca të gjata, ai është përpjekur të hipte në një aeroplan për në Johannesburg, pasi kishte veshur një jelek fluoreshent (që bartet nga personeli teknik i aeroportit) që kishte gjetur, përcjell albinfo.ch. Por ekuipazhi i ka ndaluar hyrjen, kështu që ai është larguar nga aty.

Një punonjës i Swissport më në fund e ka zbuluar atë në hapësirën e bagazhit të një avioni tjetër që do të nisej për në São Paulo. Ai, me sa duket donte të fluturonte “në të zezë”.

Pas arrestimit, një mjek ka ekzaminuar “personin dukshëm të hutuar”, raporton “K-Tipp”, transmeton albinfo.ch. Ndërkohë, prokuroria publike e Cyrihut e ka “sanksionuar me gjobë të kushtëzuar për hyrje të paligjshme, qëndrim të paligjshëm, shkelje dhe ndërprerje të punës të kompanive që i shërbejnë publikut”, thotë për “Tages-Anzeiger” një zëdhënës i policisë kantonale të Cyrihut.

Gazeta shprehet e habitur që ngjarjet në aeroportin e Zyrihut janë ende në fazën e vlerësimit, edhe shtatë javë pas incidentit.

“Për shkak se sqarimet për këtë incident ende nuk kanë përfunduar plotësisht”, “ne, deri më tani nuk kemi bërë përshtatjen e duhur të proceseve”, ka thënë një zëdhënëse e aeroportit. Siç shpjegon ajo më tej, raste të tilla individuale “nuk mund të përjashtohen askund me siguri qind për qind”.

Latest Posts

Pritja për presidentin austriak, Grubi: Përkrahja në procesin e integrimit europian ka qenë gjithnjë e fuqishme

Zëvendëskryeministri i parë, Artan Grubi, shoqëruar nga kryeministri i vendit, Dimitar Kovaçevski si dhe ministra të tjerë kanë pritur në takim presidentin austriak Alexander...

Kërcet arma në Kavajë/ Humbin jetën dy persona (EMRAT)

Dy persona kanë humbur jetën në Kavajë pas përplasjes me njëri-tjetrin në ambientet e një lokali.   Edmond Gosa nga Kavaja ka qëlluar me armë...

Parandalohet sulmi terrorist në Greqi/ Policia arreston dy pakistanezë

Një sulm terrorist është shmangur në shtetin fqinj, Greqinë.   Policia e antiterrorit ka vënë në pranga dy shtetas pakistanezë, të cilët janë vënë nën...