Eskobar: Qeveria e Maqedonisë së Veriut është një partner i mirë në zbatimin e agjendës së integrimit evropian të vendit

Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë...

Përse ligjvënësit kërkojnë dëshminë e ish-Presidentit Trump

Komisioni i Kongresit që heton sulmin e 6 janarit 2021 ndaj Kapitolit të Shteteve të Bashkuara votoi të enjten për të thirrur ish-Presidentin Donald Trump, duke e detyruar atë kështu të dëshmojë për rolin e tij në përpjekjen për të përmbysur rezultatin e zgjedhjeve të vitit 2020. Korrespondentja e Zërit të Amerikës, Katherine Gypson, ndoqi punimet e seancës dëgjimore të komisionit të posaçëm të Kongresit.

 

Ish-Presidenti Donald Trump është urdhëruar tashmë nga ligjvënësit të dëshmojë për rolin e tij në sulmin e 6 janarit 2021 ndaj Kapitolit.

 

“Shkaku kryesor i 6 janarit ishte një person, Donald Trumpi, të cilin e ndoqën shumë të tjerë. Asgjë nga këto nuk do të kishte ndodhur pa të. Ai ishte i përfshirë personalisht dhe në mënyrë domethënëse në gjithçka”, tha Ligjvënësja Liz Cheney.

 

Në historinë e Shteteve të Bashkuara, disa presidentëve të tjerë u është kërkuar të dëshmojnë në Kongres, por kjo është një ndodhi e rrallë.

 

Ligjvënësit thanë se për shkak të natyrës së rëndë të sulmit është e domosdoshme që ish-Presidenti Trump të japë llogari.

 

“Ai duhet t’u përgjigjet miliona amerikanëve votat e të cilëve donte t’i mënjanonte në kuadrin e skemës së tij për të qëndruar në pushtet, si dhe të përgjigjet në të gjitha proceset që po zhvillohen për të siguruar llogaridhënien përpara ligjit. Ky komision kërkon llogaridhënie të plotë përpara çdo amerikani për ngjarjet e 6 janarit”, tha Ligjvënësi Bennie Thompson.

 

Ish-Presidenti Trump ka kritikuar punën e komisionit, duke e quajtur si të padrejtë pasi përbëhet nga ligjvënës demokratë dhe republikanë që votuan për të ngritur akuza për shkarkimin e tij. Megjithatë, një pjesë e madhe e provave të paraqitura gjatë dëgjesave erdhi nga anëtarë të stafit të tij dhe nga partia e tij.

“Të gjitha provat vijnë pothuajse plotësisht nga republikanët. Faktet që kanë dalë nuk janë të demokratëve apo të kundërshtarëve të Donald Trumpit”, tha Ligjvënësi Thompson.

 

Në këtë seancë dëgjimore që pritet të jetë seanca e fundit publike, anëtarët e komisionit treguan video të reja të drejtuesve të Kongresit që dërgoheshin në një vendndodhje sekrete të sigurtë, ndërsa përpiqeshin të siguronin ndihmë, ndërkohë që mbështetësit e zotit Trump kishin hyrë me forcë në Kapitol. Seanca gjithashtu bëri të ditur se Shërbimi Sekret ishte në dijeni paraprakisht për rrezikun e sulmit.

 

Komisioni nuk ka autoritetin të ngrejë akuza penale, por mund t’ia referojë gjetjet e tij Departamentit të Drejtësisë.

 

“Kemi informacion të mjaftueshëm për të marrë në konsideratë referimin e akuzave penale për individë të shumtë”, tha Ligjvënësja Cheney.

 

Komisioni pritet të publikojë një raport me gjetjet e tij gjatë muajve në vazhdim. Mendohet se ish-Presidenti Trump nuk do të pranojë të dalë para komisionit, çka mund të pasohet me ngritjen e akuzave ndaj tij për mosrespektim të fletë-thirrjes së Kongresit./voa

Latest Posts

BE i bën presion Serbisë për sanksionet kundër Rusisë

Presioni i Bashkimit Evropian ndaj Serbisë është duke u rritur, për shkak të refuzimit të Beogradit për t’i mbështetur sanksionet ndaj Rusisë, thonë diplomatë evropianë. Nga...

Macron: Perëndimi duhet të shqyrtojë kërkesat e Rusisë për sigurinë, nëse Moska pranon të negociojë

Presidenti francez Emmanuel Macron thotë se Perëndimi duhet të shqyrtojë nevojën e Rusisë për garanci sigurie nëse Presidenti Vladimir Putin pranon të ulet në...