Deri të mërkurën e hapur mundësia për subvencionimin e pastrimit të oxhaqeve në Shkup

Qytetarët e Shkupit do të mund të aplikojnë deri të mërkurën për të marrë mbështetje financiare deri 1 200 denarë për pastrimin e oxhaqeve...

Bujar Osmani: Nuk është e vërtetë që Grubi është zëvendësuar, përkundrazi ai është avancuar në BDI

Zëdhënësi i BDI-së, Bujar Osmani, thotë se marrëdhëniet në parti janë të mira dhe se pas nënkryetarisë së djeshme do të shihet energji e re.

“Marrëdhëniet janë të mira, organizatat politike në fakt përbëhen nga njerëz që përfaqësojnë elektorate të ndryshme dhe jo gjithmonë interesat e elektorateve të ndryshme, në lagjen time nuk janë të njëjta me interesat e ndonjë qyteti tjetër si Struga, Tetova dhe Gostivari. Por suksesi i një organizate matet nëse ajo mund të vendosë këndvështrime të ndryshme në një organizatë të fuqishme që u shërben njerëzve, realizon, jep dhe fiton. Dhe këtë po e bën BDI-ja”, deklaroi Osmani në përgjigje të pyetjeve të gazetarëve.

Problemet, thotë ai, janë të ngjashme në të gjitha partitë dhe organizatat. Vlerësimet, siç theksoi ai, bëhen në aspektin nëse ke kapacitet për t’i tejkaluar dhe për të krijuar mundësi nga çdo vështirësi.

“BDI është treguar në këto njëzet vjet si lider dhe model i ri i mbajtjes së dinamizimit, ripërtëritjes së një organizate që 20 vjet nuk ka humbur asnjë zgjedhje dhe çdo herë po forcohet gjithnjë e më shumë. Dhe do të shihni, siç thashë dje, një energji të re në BDI edhe pas kësaj kryesie qendrore”, deklaroi Osmani, i cili sot si ministër i Punëve të Jashtme së bashku me ambasadorin e Kosovës Florian Qehaja mbollën pemë në parkun në Çair në shenjë të fqinjësisë së mirë dhe bashkëpunimit.

Osmani theksoi se dje pas mbledhjes së partisë ka pasur shumë informacione të gabuara, të cilat i referohen faktit se dikush është larguar nga detyra.

“Nuk është e saktë. Pra, askush nuk është hequr nga detyra, por është zgjedhur një kryesi e re, në të cilën Këshilli i Përgjithshëm i partisë ka vendosur, jo vetëm anëtarët e Kryesisë Qendrore, por edhe nënkryetarët dhe sekretarët e përgjithshëm. Mendoj se Artan Grubi është graduar në këtë Kryesi Qendrore, sepse është anëtar i kryesisë”, deklaroi zëdhënësi i BDI-së.

Dje në Tetovë ka përfunduar mbledhja e Këshillit Qendror të Bashkimit Demokratik për Integrim (BDI), në të cilën kanë marrë pjesë përfaqësues të të ashtuquajturit “Grupi i zjarrit”. Takimin e ka udhëhequr kryetari i partisë, Ali Ahmeti.

Nënkryetarë të partisë u zgjodhën Izet Mexhiti, Arbër Ademi, Bajram Rexhepi dhe Arbana Pasholli. Sekretar Organizativ u zgjodh Blerim Bexheti, sekretar i Përgjithshëm Faton Ahmeti dhe sekretare për mundësi të barabarta Saranda Imeri.

Në Këshillin Qendror do të jenë Ali Ahmeti, Ramiz Merko, Jeton Shaqiri, Fatmir Dehari, Kreshnik Bekteshi, Talat Xhaferi, Nevzat Bejta, Valdet Xhaferi, Teuta Arifi, Xhevat Ademi, Artan Grubi, Bujar Osmani, Visar Ganiu, Nazim Bushi, Ejup Halimi, Arian Daci, Besnik Emshiu, Mirsad Ibrahimi, Ardita Dani, Bilent Sali, Resi Abdurrahmani, Shergil Beqiri, Shaban Memeti, Artin Spahiu dhe Emir Sulejmani.

Ahmeti propozoi për anëtarë të Këshillit Mbikëqyrës Musa Xhaferin, Bekim Nezirin, Juamin Sinanin, Zenun Matjanin, Memet Selamin, Shukri Masuricën dhe Nedim Ramizin.

Grubi nuk është sekretar organizativ që nga Kongresi i katërt zgjedhor i BDI-së. më 21 dhjetor 2019 kur u zgjodh këshilli i ri i përgjithshëm i BDI-së dhe kryetari Ahmeti, ndërsa organet tjera nuk u zgjodhën si pasojë e pandemisë dhe zgjedhjeve parlamentare e më pas edhe lokale.

Më herët, Grubi ka marrë pjesë në mbledhjet e kryesisë me automatizëm në cilësinë e Shefit të kabinetit të Ali Ahmetit.

Më 15 tetor, Grubi per herë të parë u zgjodh anëtar i Kryesisë së Bashkimit Demokratik për Integrim.

Latest Posts

Edi Rama: Shqiptarët e Maqedonisë së Veriut janë më mirë se kurdoherë

Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë së cilës u dhanë porosi të qarta mbi bashkëpunimin...

Deri të mërkurën e hapur mundësia për subvencionimin e pastrimit të oxhaqeve në Shkup

Qytetarët e Shkupit do të mund të aplikojnë deri të mërkurën për të marrë mbështetje financiare deri 1 200 denarë për pastrimin e oxhaqeve...

Grubi zbardh pamjet e objektit të UNT-së në kazermën Ilinden

Zëvendëskryeministri i parë, Artan Grubi në vigjilje të festës së flamurit, ka zbuluar pamjet e projektit në të cilin do të studiojnë studentët e...