Zëvendëskryeministri i parë, Artan Grubi ka marrë pjesë në ceremoninë e fillimit të vitit akademik në Universitetin Ndërkombëtar Ballkanik në Shkup dhe në fjalimin e tij ju ka uruar suksese studentëve dhe punë të mbarë stafit akademik të këtij universiteti.
Ai mes tjerash ka potencuar rëndësinë e madhe që kanë universitetet në krijimin e kapaciteteve kadrovike dhe cilësinë tashmë të dëshmuar të programeve studimore të Universitetit Ndërkombëtar Ballkanik.
“Kënaqësi të merrja pjesë në ceremoninë e fillimit të vitit akademik në Universitetin Ndërkombëtar Ballkanik, ku ju urova shumë suksese studentëve dhe punë të mbarë stafit akademik të kryesuar nga Rektori, Prof. Dr. Mehmet Dursun Erdem.
Universiteti Ndërkombëtar i Ballkanit është i dëshmuar për nga cilësia e programeve studimorе, po kontribuon dukshëm në krijimin e kapaciteteve cilësore kadrovike të vendit bashkë me universitetet tjera dhe ju uroj vazhdimësi progresive të punës mbi parimet e trajtimit të barabartë të çdo studenti, metodologjisë së vlerësimit objektiv dhe meritokracisë” – ka shkruar Grubi në faqen e tij në rrjetin social Facebook.
