Zëvendëskryeministri i parë, Artan Grubi në paraqitjen e fundit para mediave, ka thënë se Bashkimi Demokratik për Integrim është partia e parë në rajon që mbledhjen e Këshillit Qëndrorë e trasnmeton në mënyrë të drejtëpërdrejtë në të gjitha mediat.
Shtoi se atmosfera siç edhe e përcollën qytetarët brenda mbledhjes ka qenë e përkryer dhe njoftoi se që nga 2019-ta nuk e ka mbajtur postin e sekretarit organizativ dhe se në mbledhje ka marrë pjesë me automatizëm si shef i kabinetit të kryetarit Ahmeti.
“Kishte një atmosferë të jashtëzakonshme në Këshillin të përgjithshëm të BDI-së, e cila si parti është e vetmja në rajon që e transmeton drejtëpërdrejtë mbledhjen e Këshillit të Përgjithshëm. Dua të uroj të gjithë anëtarët e Këshillit të Përgjithshëm dhe anëtarët e ri të kryesisë dhe në veçanti për përkrahjen që për herë të parë të jem i zgjedhur si anëtarë i kryesisë sepse deri më tani kam marrë pjesë me automatizëm në punët e kryesisë së partisë si shef i kabinetit të kryetarit Ahmeti”, tha Grubi.
