Kryetari i degës së BDI-së në Dibër ka numëruar projektet që kjo Qeveri ka realizuar me qëllim përmirësimin e jetesës së qytetarëve të Dibrës.
Ai ka numëruar nëntë projekte duke shprehur mirënjohje për Bashkimin Demokratik për Integrim dhe garniturë qeverisëse për realizimin e projekteve.
“Për të qenë konsekuent me naracionin politik , me premtimet dhe përbetimet që në çdo cikël zgjedhor kemi dhënë para elektoratit, unë si dibran dhe përfaqësues i BDI-së në Dibër, dua të shpreh mirënjohjen time për Bashkimin Demokratik për Integrim dhe garniturë qeverisëse për realizimin e projekteve që me dekada të tëra kanë qenë pjesë e premtimeve parazgjedhore” shkruan Artin Spahiu, kryetar i degës së BDI në Dibër.
Prjektet që janë realizuar:
- Ndërtimi i Rrugës Dibër- Kërçovë si pjesë e rrugës së Arbërit;
- Ndryshimi i emrave të rrugëve dhe adresave të Dibrës, që kishin ngelur nga periudha komuniste dhe që edhe përpos një iniciative të mëhershme, para një viti, nga kjo garniturë qeverisëse u realizua;
- Shpërndarja me sukses e administratorëve që për 15 vite rrinin pa sistemuar, edhe 4 vjet të qeverisjes Zaev;
- Ndarjen e 3 projekteve të rëndësishme infrastrukturore vitin e kaluar, nga fondet e TAV-it;
- Rikthimin e zyres së Advokatit të Shtetit në Dibër pas 25 vitesh;
- Përfundimi i procedurave paraprake dhe fillimi i proceduravre të tenderimit për Sistemin e Vaditjes së tokave të Dibrës;
- Renovimi dhe krijimi i kushteve të volitshme në Shkollën e Mesme Komunale “ Penestia”;
- Komuna e Dibrës për herë të parë merr projekt nga Byroja për Zhvillim Rajonal për ndërtimin e rrugëve rurale.
- Komunikim korrekt dhe kordinim permanent me të gjithë instancat e qeverisë, si dhe shumë e shumë projekte dhe iniciativa të tjera që lidhen me mirëqenien dhe zhvillim e qytetarëve”, shkuan Artin Spahiu në rrjetet sociale.
