Eskobar: Qeveria e Maqedonisë së Veriut është një partner i mirë në zbatimin e agjendës së integrimit evropian të vendit

Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë...

Ukrainë: Kufizime të energjisë elektrike pas sulmeve ruse ndaj infrastrukturës

Ukrainasit po kursejnë energjinë elektrike dhe ujin në një përpjekjë për të lehtësuar presionin në rrjetet shpërndarëse dhe për t’i dhënë mundësi inxhinierëve të riparojnë infrastrukturën e shkatërruar nga raketat ruse, ndërsa forcat e Kievit përparuan drejt qytetit të Khersonit.

 

Edhe pse Ukraina po zbaton me sukses kundër-ofensivën ndaj forcave ruse në lindje dhe jug, ajo po përpiqet të mbrojë strukturat prodhuese të energjisë nga sulmet ajrore dhe dronët rusë që synojnë të demoralizojnë ukrainasit dhe t’ua bëjnë atyre më të vështirë jetesën, ndërsa afrohet dimri.

 

Për herë të parë që nga pushtimi i Rusisë më 24 shkurt, qeveria ukrainase vendosi të enjten kufizime të energjisë elektrike në mbarë vendin. Presidenti Volodymr Zelenskiy tha se vendimi erdhi pas një serie sulmesh që goditën një të tretën e të gjitha nënstacioneve elektrike.

 

Sipas masave të reja, furnizimi me energji elektrike anembanë Ukrainës është kufizuar midis orës 7 të mëngjesit dhe orës 23:00 të mbrëmjes.

 

Sipas Ministrit të Energjitikës të Ukrainës, qeveria synon ulje të përdorimit të energjisë me 20% dhe ukrainasit po i përgjigjen thirrjes për kursim.

 

“Ne shohim rënie të konsumit. Shohim reagim vullnetar për të kursyer. Por kur nuk mjafton, ne duhet të kryejmë ndërprerje të detyruara”, tha ministri Herman Halushchenko. Sipas tij, Rusia ka kryer më shumë se 300 sulme ajrore në nënstacionet energjitike të Ukrainës që prej datës 10 tetor.

 

Presidenti Zelenskiy iu drejtua popullit përmes një video të mërkurëm mbrëma. “Është goditur rënë një nënstacion i rëndësishëm. Tre nënstacione janë shkatëtruar sot nga armiku. Terrori rus tani do orientohet tek dëmtimi i strukturave të furnizimit me energji elektrike, tha ai.

 

Një nga strukturat e goditura të mërkurën ishte një termocentral me qymyr në qytetin e Burshtynit në Ukrainën perëndimore.

 

“Për fat të keq dëmtimi është mjaft serioz,” tha në televizionin ukrainas Svitlana Onyshchuk, guvernatore e Ivano- Frankivskit.

 

Presidenti Zelenskiy iu lut ukrainasve të ulin përdorimin e energjisë elektrike./voa

Latest Posts

BE i bën presion Serbisë për sanksionet kundër Rusisë

Presioni i Bashkimit Evropian ndaj Serbisë është duke u rritur, për shkak të refuzimit të Beogradit për t’i mbështetur sanksionet ndaj Rusisë, thonë diplomatë evropianë. Nga...

Macron: Perëndimi duhet të shqyrtojë kërkesat e Rusisë për sigurinë, nëse Moska pranon të negociojë

Presidenti francez Emmanuel Macron thotë se Perëndimi duhet të shqyrtojë nevojën e Rusisë për garanci sigurie nëse Presidenti Vladimir Putin pranon të ulet në...