“14 Maji do të jetë dita e dërrmimit të regjimit monist në Shqipëri”. Kështu është shprehur kreu i Partisë së Lirisë Ilir Meta, sa I takon mbajtjes së zgjedhjeve vendore. Në një postim në Facebook shkruan se forca që ai udhëheq do të shkojë drejt një fitore të padiskutueshme.
Duke e vënë theksin tek rikthimi i pluralizmit në këshillat bashkiak, Meta thekson se ditën e shtunë, Partia e Lirisë do të mbajë Konventën Kombëtare ku do të zgjidhet ekipi drejtues në të gjithë vendin.
“14 Maji do të jetë dita e dërrmimit të regjimit monist në Shqipëri. 4 vitet e pushtetit vendor monist dhe të paligjshëm si as në vendin më prapambetur të Afrikës do të marrin fund përgjithmonë.
Partia e Lirisë do garantojë jo vetëm rikthimin e pluralizmit në këshillat bashkiakë, por do të jetë fuqia kryesore e zërit të qytetarëve që do zbatojë Llogaridhënien pa asnjë kompromis me interesin publik dhe qytetar. Të shtunën në Konventën Kombëtare zgjedhim ekipin drejtues që do të udhëheq Partinë e Lirisë drejt Fitores të padiskutueshme.
Do të jetë së pari triumfi i lirisë të qytetarëve të nëpërkëmbur, të vjedhur, të intimiduar dhe të padëgjuar në këto 4 vitet e pushtetit absolut monist të Rilindjes”, shkruan Meta.
