Shkup, 27 tetor – Moti sot do të jetë me diell me vranësira të vogla, ndërsa në juglindje me vranësira mesatare. Do të fryjë erë e lehtë deri në mesatare nga drejtimi verior. Temperatura minimale do të jetë në interval prej 3 deri në 11, ndërsa maksimalja do të arrijë prej 19 deri në 26 gradë.
Në Shkup moti do të jetë me diell me vranësira të vogla dhe me erë të lehtë nga drejtimi verior. Temperatura minimale do të ulet deri në 7, ndërsa ajo maksimale do të arrijë në 23 gradë.
Edhe në ditët në vijim, deri të shtunën, do të vazhdojë periudha e motit të qëndrueshëm, me ulje graduale të temperaturës ditore. Temperatura e mëngjesit gjatë fundjavës do të bjerë nën zero.
